اسلام آباد ہائیکورٹ: الیکشن کمیشن کی انٹرا کورٹ اپیل پر اعتراض عائد

(24 نیوز) اسلام آباد ہائیکورٹ کے رجسٹرار آفس نے الیکشن کمیشن کی انٹرا کورٹ اپیل پر اعتراض عائد کر دیا۔ ذرائع کے مطابق اعتراض میں کہا گیا ہے کہ انٹرا کورٹ اپیل میں کچھ دستاویزات موجود نہیں ہیں۔

 الیکشن کمیشن نے اسلام آبادہائیکورٹ کے آج بلدیاتی انتخابات کرانے کے فیصلے کے خلاف انٹرا کورٹ اپیل دائر کی تھی۔ درخواست میں رہنما جماعت اسلامی میاں اسلم اور علی نواز اعوان کو فریق بنایا گیا ہے۔ الیکشن کمیشن کی طرف سے انٹرا کورٹ اپیل پر آج ہی سماعت کی استدعا کی گئی ہے۔

الیکشن کمیشن نے موقف اختیار کیا ہے کہ اتنے کم وقت میں بلدیاتی انتخابات کرانا ممکن نہیں، 14 ہزار سے زائد عملہ، سکول ٹیچرز اور دیگر ملازمین سرما کی تعطیلات پر ہیں۔