اثاثوں کی تحقیقات کا معاملہ ، سائرہ انور ایف آئی اے طلب

(24 نیوز)فیڈرل انویسٹی گیشن اتھارٹی (ایف آئی اے)نے اثاثوں کی تحقیقات کے حوالے سے سائرہ انور کوطلب کرلیا۔
ذرائع کاکہناہے کہ ایف آئی اے نے سائرہ انور کو نوٹس جاری کرتے ہوئے مزید تحقیقات کیلئے طلب کرلیا، ذرئع کا کہناہے کہ سائرہ انور مبینہ طور پر پنجاب کی اعلیٰ اور اہم ترین شخصیت کی تیسری بیوی ہیں،اس طاقتور ترین شخصیت کا تعلق پنجاب کے بہت بڑے سیاسی خاندان سے ہے۔
ذرائع کے مطابق ایف آئی اے نے سائرہ انور کے اثاثوں میں غیر معمولی اضافے، ان کے نام پر رجسٹرڈ زمینوں میں بڑھاوے پرتحقیقات شروع کردی ہیں۔
ذرائع کا مزید کہناہے کہ حالیہ دور میں سائرہ انور کے اکاﺅنٹ میں کروڑوں روپوں کی ٹرانزکشن کا انکشاف ہوا ہے،سائرہ انور کے غیر ملکی دوروں کے دوران قیمتی جیولری کی خریداری کا بھی نوٹس کیا گیا ہے۔
ذرائع کا کہناہے کہ سائرہ انور کا پنجاب میں فرح گوگی کے کردار سے موازنہ کیا جارہا ہے،جس وجہ سے پنجاب کے کرپٹ حلقوں اور طاقتور سرمایہ داروں میں بے چینی شروع ہوگئی ہے۔ 

یہ بھی پڑھیں: پیٹرولیم مصنوعات کی قیمتیں 15 روز کیلئے برقرار رکھنے کا اعلان