صدر عارف علوی نے سال2021کیلئے 10 بہترین کتابیں تجویز کردیں

(24نیوز)صدر مملکت عا رف علوی نے کہا ہے کہ کتابوں کے مطالعے سے انسان کا نقطہ نظر وسیع ، اپنے تعصبات پر قابو پانے میں مدد ملتی ہے۔
تفصیلا ت کے مطا بق صدر عارف علوی نے ملک میں مطالعے کے فروغ کے لئے سال2021کیلئے 10 بہترین کتابیں تجویز کردیں ۔صدر مملکت نے پاکستان کی نوجوان نسل اور عوام میں مطالعے کی عادت کے فروغ کیلئے ویڈیو پیغام بھی جا ری کیا ہے جس میں انہوں نے کہا ہے کہ میں اپنے حاصل کیے گئے علم کو اپنی تقاریر کے ذریعے لوگوں تک پہنچانے کی کوشش کرتا ہوں۔حالات ِ حاضرہ اور کمپیوٹر سائنس سے متعلق کتابیں پڑھتا ہوں، ہمیں ملک میں کتب بینی کے شوق کو فروغ دینے کی ضرورت ہے۔
 صدر مملکت نے سیرت طیبہ، سیاست، معیشت، تاریخ، فزکس، کمپیوٹر سائنس اور حالات حاضرہ ، بھارت کی اندرونی سیاسی صورتحال اور مسلمانوں کی حالت زار سے متعلق بھی کتابیں تجویز کیں ۔