چین سے آنیوالی ویکسین خودوصول کروں گا، شاہ محمود قریشی

(24نیوز)وزیر خارجہ شاہ محمود قریشی کاکہناہے کہ جہاز چین سے کورونا کی ویکسین لینے چلا گیا ہے ، کل جو کھیپ ویکسین کی آ رہی ہے اسے میں اسلام آباد میں وصول کرنے جاؤں گا ۔
شاہ محمود قریشی نے ویڈیو پیغام جاری کرتے ہوئے کہاکہ فرنٹ لائن ورکرز کو یہ ویکسین دستیاب ہو جائے گی ، جن لوگوں نے قربانی دی ہے ، ان کی جانیں محفوظ ہوں گی ، عوام کیلئے یہ ویکسین باکل فری ہو گی۔
وزیر خارجہ کاکہناہے کہ ڈینینل پرل کے معاملے پر نظرثانی درخواست داخل کر دی ہے ، امید ہے کہ جلد اس پر انصاف ملے گا ، ان کامزید کہناتھا کہ ہماری کوشش ہے افغانستان میں اہم معاملات بہتری کے ساتھ آگے بڑھیں ۔