باکسنگ مقابلہ، مخالف کا زور دار پنچ لگنے سے باکسر محمد اسلم جاں بحق

(24 نیوز)باکسنگ مقابلے کے دوران زور دار پنچ لگنے سے باکسر محمد اسلم جاں بحق ہو گئے،باکسر محمد اسلم کا تعلق پشین سے تھا۔
تفصیلات کے مطابق کراچی میں پویلین اینڈ کلب میں باکسنگ مقابلہ جاری تھا،ذرائع کے مطابق ولی خان اور محمد اسلم کے درمیان مقابلے میں محمد اسلم جاں بحق ہو گئے ،چوتھے راﺅنڈ کے دوران ولی خان کا پنچ جان لیوا ثابت ہوا۔
ذرائع کاکہناہے کہ محمد اسلم کو فوری طور پر نجی ہسپتال لے جایاگیا،علاج کے دوران محمد اسلم دنیا فانی سے کوچ کرگئے ،دونوں باکسر ایم ایم فائٹ کے بھی کھلاڑی تھے ۔