(وسیم احمد )پاکستان کرکٹ بورڈ کے چیئرمین محسن نقوی کا قذافی سٹیڈیم کادورہ ، اپ گریڈیشن میں کام کرنے والے مزدوروں کو 8 فروری کو سہہ فریقی سیریز کا میچ دیکھنے کی دعوت دے دی۔
تفصیلات کے مطابق پاکستان میں آئی سی سی چیمپئنز ٹرافی کی تیاریاں دھوم دھام سےجاری ہیں، قذافی سٹیڈیم میں نئی جدید کرسیوں کی تنصیب کو مکمل کرلیا گیا،چیئرمین پاکستان کرکٹ بورڈ محسن نقوی نے قذافی سٹیڈیم کا تفصیلی دورہ کیا ۔
چیئرمین پاکستان کرکٹ بورڈ محسن نقوی کا قذافی سٹیڈیم نے تفصیلی دورہ کیا ، انہوں نے نئی نشتوں پر بیٹھ کر سٹیڈیم کا ویو دیکھا، محسن نقوی نے تمام فلورز، نئے ڈریسنگ رومز اور مختلف شعبوں کا معائنہ کیا۔
چیئرمین پی سی بی نئے ہاسپٹلٹی باکسز بھی گئے،انہوں نے ورکرز سے ملاقات کر کے انہیں کام پر شاباش دی، چیئرمین پی سی بی محسن نقوی نے ورکرز کو 8 فروری کا ٹرائی نیشن سیریز کا میچ دیکھنے کی دعوت دی۔
مزید پڑھیں:آئی سی سی چیمپینز ٹرافی لاہور واپس پہنچ گئی
محسن نقوی نے کہا کہ مزدوروں کے ساتھ بیٹھ کر تین ملکی سیریز کا میچ دیکھوں گا، نئے قذافی سٹیڈیم کا افتتاح فروری کے پہلے ہفتے میں کیا جائےگا، پاکستان کی تاریخ میں پہلی بار جدید ترین بین الاقوامی سہولتوں سے مزین سٹیڈیم تیار کیا گیا۔
ان کا کہنا تھا کہ کھلاڑیوں کے ساتھ شائقین کرکٹ نئی سہولتوں سے محظوظ ہوں گے، پوری ٹیم نے دن رات محنت سے کام کیا اور ناممکن ٹاسک کو ممکن بنایا،چیمپئنز ٹرافی پاکستان کی عزت، وطن کی عزت میں مزید اضافہ کریں گے۔