(ویب ڈیسک)معروف گلوکار عاصم اظہر نے اداکارہ میرب علی کے ساتھ رواں سال شادی کرنے کے سوال پرخاموشی توڑ دی۔
سوشل میڈیا پرایک ویڈیو وائرل ہوئی ہے جس میں عاصم اظہر سے 2025ء میں اداکارہ میرب علی سے شادی کرنے کی خبروں کے حوالے سے پوچھا گیاتو گلوکار کا کہنا تھا کہ میں 2025 والی افواہوں کو نہ رد کروں گا اور نہ ہی تسلیم کروں گا، سچ یہ ہے کہ شادی اللہ اور دیسی گھروں میں گھر والوں نے کرنی ہوتی ہے۔
معروف گلوکار نے کہا کہ اس سے قبل بھی مجھ سے شادی کرنے سے متعلق سوالات کیے گئے ہیں جس کا میں نے واضح جواب دیا لیکن اس بار میں ان افواہوں کی تصدیق کروں گا اور نہ ہی ان خبروں کو رد کروں گا۔
یہ بھی پڑھیں:کبریٰ خان اور گوہر رشید کی شادی کا کارڈ سوشل میڈیاپروائرل
عاصم اظہر نے اپنی ویڈیو میں میرب علی کا نام لیتے ہوئے کہا کہ حال ہی میں کینیڈا کے شہر ٹورنٹو میں اپنی منگیتر کی سالگرہ منائی کیونکہ اسی کنسرٹ کی وجہ سے میں اس کی سالگرہ کے دن موجود نہیں تھا اور وہ مجھے بہت سپورٹ کرتی ہے۔