(ویب ڈیسک)سینئر اداکارہ ثانیہ سعید نے کہا ہے کہ پاکستان میں سطحی کہانیاں لکھا جانا مایوس اور پریشان کن ہے، اچھی کہانیاں نہیں لکھی جا رہیں۔
ثانیہ سعید نے حال ہی میں نجی ٹی وی کے پروگرام میں شرکت کی،جہاں مختلف معاملات پر کھل کر بات کی۔
پروگرام کے دوران بات کرتے ہوئے ثانیہ سعید نے ہانیہ عامر کی تعریف کرتے ہوئے کہا کہ انہوں نے اپنی مہارت کو بہتر بنایا،ہانیہ عامرنے کم وقت میں مہارت کو مزید بہتر بنایا ہے جبکہ باقی اداکارائیں اور اداکار بھی بہت اچھا کام کرتے دکھائی دے رہے ہیں۔
سینئراداکارہ نے سجل علی، صبا قمر اور یمنیٰ زیدی سمیت دیگر اداکاراؤں کے فن کو بھی سراہا،اور یمنیٰ زیدی کے ساتھ کام کرنے کی خواہش کا اظہار کرتے ہوئے کہا کہ انہوں نے تاحال ان کے ساتھ کام نہیں کیا۔
ایک اور سوال کے جواب میں ثانیہ سعید نے کہا کہ انہیں نعمان اعجاز کے ساتھ کام کرنا سب سے زیادہ اچھا لگتا ہے، دونوں نے انتہائی مشکل کرداروں پر کام کیا۔
ثانیہ سعید نے ہمایوں سعید کی بھی تعریف کرتے ہوئے کہا کہ اگر ہمایوں سعید چاہیں تو بہت اچھی اداکاری کر سکتے ہیں،انہوں نے عدنان صدیقی اور سرمد کھوسٹ کے کام کو بھی سراہا، ساتھ ہی نئے اداکاروں کو بھی اچھا قرار دیا۔
ثانیہ سعید نے کہا کہ اس وقت ہر اداکار کو اس کی شخصیت کے مطابق سادہ اور عام کردار دیئے جا رہے ہیں کیونکہ ہمارے پاس کردار تخلیق نہیں ہو پا رہے۔
یہ بھی پڑھیں:عاصم اظہرمیرب علی کیساتھ 2025ء میں شادی کررہے ہیں؟
انہوں نے کرداروں کے تخلیق نہ ہونے سمیت اچھے اسکرپٹ نہ لکھے جانے پر بھی اظہار مایوسی کیااورکہاکہ ہمارے پاس اچھی کہانیاں اور اچھے اسکرپٹ نہ لکھا جانا پریشان اور مایوس کن ہے اور وہ شوبز انڈسٹری کی اسی بات سے خفا رہتی ہیں۔
ثانیہ سعید نے دعویٰ کیا کہ شوبز انڈسٹری کے اداکار اچھے ہیں، تاہم لکھاری اچھے نہیں۔