جان ابراہم اور پریانکا چوپڑا ایک بارپھرفلم میں اکٹھے ہوگئے

(ویب ڈیسک) بالی ووڈکے معروف اداکار جان ابراہم اور پریانکا چوپڑا ایک بارپھر ایک ساتھ سلورسکرین پر نظرآئیں گے۔

 بالی ووڈ کی یہ  معروف جوڑی ایس ایس راجامولی اور مہیش بابو کی آنےوالی میگا بجٹ فلم SSMB29 کا حصہ بنے گی۔

میڈیا رپورٹ کے مطابق SSMB29 میں جنوبی بھارتی اداکار پرتھوی راج سوکمارن کو ایک اہم کردار کے لئے سائن کیا گیا تھا لیکن وہ فلم کا حصہ نہ بن سکے، اب ان کی جگہ جان ابراہم نے لے لی ہے، جان ابراہم حیدرآباد میں شوٹنگ کریں گے اور ان کے کئی سینز پریانکا چوپڑا کے ساتھ ہوں گے۔

اس فلم میں مہیش بابو مرکزی کردار کریں گے، فلم ایک ایڈونچر ایکشن کہانی ہوگی، جس کی شوٹنگ بھارت کے ساتھ ساتھ بیرون ملک بھی کی جائے گی۔

یہ بھی پڑھیں:شوبز انڈسٹری کے اداکار اچھے,تاہم لکھاری اچھے نہیں ہیں: ثانیہ سعید

بھارتی میڈیاکے مطابق فلم قدیم بھارتی دیومالائی کہانی پر مبنی ہوگی لیکن جدید دنیا میں پیش کی جائے گی۔

یہ بھی پڑھیں:مقبول کورین سیریز"اسکوئڈگیم 3 "کب ریلیز ہوگی؟ تاریخ سامنے آگئی

 اس فلم کی شوٹنگ کا آغاز 3 جنوری کو ہوا تھا اور حال ہی میں پریانکا چوپڑا حیدرآباد پہنچی ہیں ۔