(24نیوز)پی سی بی کے چیئرمین محسن نقوی نے کہا ہے کہ پی سی بی کی پوری ٹیم چیمپئنزٹرافی کی تیاریوں میں مصروف ہے، چیمپئنزٹرافی کی افتتاحی تقریب 16 فروری کو ہو گی۔
محسن نقوی نے قذافی سٹیڈیم میں پریس کانفرنس کرتے ہوئے کہا کہ ستمبرمیں قذافی سٹیڈیم کاکام شروع ہوا تھا، قذافی سٹیڈیم کےکام کومکمل کرنےکیلئے 31 جنوری کاوعدہ کیا، قذافی سٹیڈیم کاکام مکمل ہوچکاہے، 7 فروری کو وزیراعظم شہبازشریف سٹیڈیم کا افتتاح کریں گے ۔ انہوں نے کہا کہ 11فروری کوصدرآصف علی زرداری کراچی سٹیڈیم کا افتتاح کریں گے ۔
محسن نقوی نے کہا کہ چیمپئنزٹرافی ہم سب کیلئےاہم ایونٹ ہے، پی سی بی کی پوری ٹیم چیمپئنزٹرافی کی تیاریوں میں مصروف ہے۔ انہوں نے کہا کہ چیمپئنزٹرافی کی افتتاحی تقریب 16 فروری کو ہو گی، آئی سی سی کےتمام آفیشلزکوبھی مدعوکیاہے ، چیمپئنزٹرافی میں آنیوالےمہمانوں کیلئےبہترین انتظامات کیےگئےہیں۔ محسن نقوی نے کہا کہ بارڈر کے دوسری طرف لوگ ہیں جوپتھرلگنےپربھی واویلہ مچانےکیلئےبیٹھےہیں ، قذافی سٹیڈیم میں لگائی جانےوالی کرسیوں کی گارنٹی20سال کی ہے۔
چئیرمین پی سی بی نے کہا کہ بھارت سمیت تمام کرکٹ بورڈزکوچیمپئنزٹرافی میں آنےکی دعوت دی ہے، کچھ لوگ افتتاحی تقریب میں آئیں گے،کچھ سیمی فائنل اورکچھ فائنل پرآئیں گے۔ انہوں نے کہا کہ دن رات محنت کررہےہیں،سخت سکیورٹی فراہم کی جائےگی،انہوں نے مزید کہا کہ ٹیم کے انتخاب پر سلیکشن کمیٹی فیصلہ کرےگی، سلیکشن کمیٹی پریقین ہےیہ اچھی ٹیم کاانتخاب کرےگی ۔ محسن نقوی نے کہا کہ مجھےپورایقین ہے قومی کرکٹ ٹیم چیمپئنزٹرافی جیتے گی ۔
محسن نقوی نے کہا کہ چیمپئنزٹرافی کیلئےآج قومی ٹیم کااعلان ہوجائےگا،انہوں نے بتایا کہ صائم ایوب کی طبیعت بہترہے۔