چیئرمین پی سی بی کاہیڈ کوچ ،ٹیسٹ ٹیم کے کپتان  اورسلیکشن کمیٹی کے ہمراہ قذافی سٹیڈیم کا دورہ 

(24نیوز)پاکستان کرکٹ بورڈ کے چیئرمین محسن نقوی نے ہیڈ کوچ ،ٹیسٹ ٹیم کے کپتان  اورسلیکشن کمیٹی کے ہمراہ قذافی سٹیڈیم کا تفصیلی دورہ  کیا۔

عاقب جاوید،شان مسعود،وہاب ریاض،اظہر علی،علیم ڈاراور اسد شفیق نے برق رفتاری سے سٹیڈیم کی تکمیل کی تعریف کی،چئیرمین پی سی بی محسن نقوی نے   نئی آرام نشستوں کا معائنہ کیا۔

چئیرمین پی سی بی محسن نقوی نے عاقب جاوید،شان مسعود،وہاب ریاض،اظہر علی،علیم ڈار اور اسد شفیق کے ہمراہ انکلوژر کی آخری نشستوں پر گئے اور گراؤنڈ کا ویو دیکھا،  ہیڈ کوچ،ٹیسٹ ٹیم کپتان اورسلیکشن کمیٹی نے چیئرمین پی سی بی کے ساتھ مین بلڈنگ اورڈریسنگ رومز کا بھی معائنہ کیا۔

عاقب جاوید نے کہاکہ غیر معمولی رفتار سے سٹیڈیم کا اعلیٰ معیار کا کام  دیکھ کر خوشی ہوئی۔ شان مسعود کاکہناتھا کہ قذافی سٹیڈیم انتہائی مختصر مدت میں مکمل طور پر نیا اور جدید سٹیڈیم بن گیا ہے۔ 

وہاب ریاض نے کہاکہ شائقین کرکٹ کیلئے میچ کا ویو بہتر ہوا ہے۔ سلیکشن کمیٹی نے کہاکہ یقین نہیں آرہا کہ یہ وہی قذافی سٹیڈیم ہے۔ 

 ایڈوائزر عامر میر،چیف آپریٹنگ آفیسر سمیر احمد،ڈائریکٹر انفراسٹرکچر ،ایف ڈبلیو  او کے پراجیکٹ ڈائریکٹر،کنٹریکٹر اور نیسپاک کے اعلیٰ حکام بھی اس موقع پر موجود تھے۔