(شاہد تبسم) خیبر پختونخوا کے ہزارہ ڈویژن کے ضلع ہری پور کی تحصیل خانپور میں سورج گلی کے پہاڑوں پر نامعلوم وجوہات کے باعث اچانک آگ بھڑک اٹھی۔ریسکیو 1122 ہری پور اور خانپور کی فائر فائٹر ٹیمیں موقع پر پہنچ گئیں۔
رپورٹ کے مطابق خانپور میں سورج گلی کے پہاڑوں پر لگنے والی آگ کی خبر ملتے ہی ریسکیو 1122 ہری پور اور خانپور کی فائر فائٹر ٹیم موقع پر پہنچ گئی۔فائر بریگیڈ کے عملے نے آگ بجھانے کا عمل شروع کر دیا گیا۔ریسکیو ٹیم خان پور 1 گھنٹے سے مسلسل آگ پر قابو پانے کیلئے آپریشن کر رہی ہے جبکہ آگ کی نوعیت کو مدِ نظر رکھتے ہوئے 1122 کی ہری پور سے بھی فائر فائٹر ٹیم روانہ کر دی گئی۔ریسکیو ذرائع کا کہنا ہے کہنا ہے کہ دشوار گزار راستوں اور پانی کی رسائی نہ ہونے کے باعث آگ بجھانے میں دشواری کا سامنا کرنا پڑ رہا ہے۔یہ بھی پڑھیں:ایل پی جی مزید مہنگی، نوٹیفکیشن جاری