گڑھی یاسین، دیرینہ دشمنی پرموٹرسائیکل سوار فیملی پر فائرنگ،3 افراد قتل
Stay tuned with 24 News HD Android App
(خالد کمال) صوبہ سندھ کے ضلع شکار پور کی تحصیل گڑھی یاسین میں دیرینہ دشمنی کی بنا پر موٹر سائیکل سوار فیملی پر فائرنگ کر دی گئی جس کے نتیجے میں میاں بیوی سمیت 3 افراد کو قتل کر دیا گیا۔
رپورٹ کے مطابق گڑھی یاسین میں واقع بڈو تھانے کی حدود میں گائوں والس آباد میں موٹر سائیکل سوار فیملی پر فائرنگ کر دی گئی، ریسکیو ذرائع کا کہنا ہے کہ فائرنگ کے نتیجے میں میاں بیوی سمیت 3 افراد قتل ہوگئے ہیں،تینوں افراد کی لاشوں کو ضابطے کی کارروائی کے لئے قریبی ہسپتال منتقل کر دیا گیا ہے۔
پولیس کا کہنا ہے کہ جان بحق ہونے والوں میں رفیق لولائی، فہمیدہ لولائی سمیت ایک بچی شامل ہیں، پولیس کا کہنا ہے کہ دیرینہ دشمنی پر موٹر سائیکل سوار فیملی کو فائرنگ کا واقعہ پیش آیا ہے ۔ اطلاع ملنے پر پولیس جائے وقوعہ پر پہنچ گئی کارروائی کا آغاز کر دیا۔
یہ بھی پڑھیں: خانپور:نامعلوم وجوہات کے باعث سورج گلی کے پہاڑوں پر اچانک آگ بھڑک اٹھی