بیمار کیا ہوئی ،حکومت کو امید ہو گئی شاید میں علاج کرانے باہر جانے لگی ہوں ، مریم نواز

(24 نیوز)مسلم لیگ کی مرکزی نائب صدر مریم نواز نے شہباز گل کے بیان پر ردعمل دیتے ہوئے کہاہے کہ چند دن بیمار کیا ہوئی ،حکومت کو امید ہو گئی شاید مریم علاج کرانے باہر جانے لگی ہے ۔
مریم نواز نے سماجی رابطے کی ویب سائٹ ٹوئٹر پر اپنے ٹوئٹ میں کہاہے کہ مریم کا آپ کو گھر بھیجنے تک کہیں جانے کا ارادہ نہیں ،مریم ادھر بیٹھ کر آج کا علاج جاری رکھے گی ۔

چند دن بیمار کیا ہوئی، کانپتی لرزتی حکومت کو امید ہوگئی کہ شاید مریم علاج کروانے باہر جانے لگی ہے۔ آپ کی امیدوں پر پانی پھیرنے کے لئے بتا دوں کہ مریم کا آپ کو گھر بھیجنے تک کہیں جانے کا ارادہ نہیں۔ مریم ادھر بیٹھ کر آپ کا علاج جاری رکھے گی انشاءاللّہ۔

— Maryam Nawaz Sharif (@MaryamNSharif) March 31, 2021

واضح رہے کہ وزیراعظم کے معاون خصوصی شہباز گل نے اپنے بیان میں کہاتھا کہ ایک ڈاکٹر جو جھوٹی رپورٹیں بناتا اور پھر رو رو کر ان کو سچ ثابت کرتا ہے پھر سے مہربان قدردان آپکے شہر میں جھوٹی سرکس لگانے لندن سے واپس آ پہنچے ہیں۔شہباز گل کاکہناتھا کہ لیکن اس بار ان کا اوران کے جھوٹوں کا کوئی یقین نہیں کرنے والا۔سائیلنٹ موڈ والی باجی جب تک لوٹ کا پیسہ واپس نہیں کرتیں کوئی واپسی نہیں۔

یہ بھی پڑھیں: سندھ :جلسے جلسوں سمیت سماجی تقریبات پر مکمل پابندی کا فیصلہ