چینی کی قیمتوں میں اضافے کے ذمہ دار سٹے باز اور مافیاز ہیں،شبلی فراز

(24نیوز)پی ٹی آئی کے سینیٹر شبلی فراز کاکہناہے کہ چینی کی قیمتوں میں اضافے کے ذمہ دار سٹے باز اور مافیاز ہیں،شوگر مافیا احتساب سے نہیں بچ سکتا۔
سینیٹر شبلی فراز نے سماجی رابطے کی ویب سائٹ ٹوئٹر پر اپنے ٹوئٹ میں کہاہے کہ عمران خان کو پاکستان کے عوام کا مفاد مقدم ہے ،ریلیف میں حائل ہونے والوں کے خلاف قانون حرکت میں آئے گا۔

چینی کی قیمتوں میں اضافے کے ذمہ دار وہ سٹے باز اور مافیاز ہیں جنہوں نے مارکیٹ میں غیر یقینی صورتحال پیدا کرنے کی کوشش کی۔شوگر مافیا احتساب سے نہیں بچ سکتا خواہ انکا تعلق پی ٹی آئی سمیت کسی بھی جماعت سے کیوں نہ ہو۔

— Senator Shibli Faraz (@shiblifaraz) March 31, 2021