لاہور: خاتون کو ہراساں کرنیوالا ملزم ویمن سیفٹی ایپ کے ذریعے گرفتار

(علی ساہی) پولیس نے ویمن سیفٹی ایپ کی مدد سے خاتون کو ہراساں کرنے والے ملزم کو گرفتار کر لیا۔

   ترجمان سیف سٹی اتھارٹی کا کہنا ہے کہ ملزم نے گلبرگ بس سٹاپ پر لڑکی کو زبردستی بائیک پر بٹھانے کی کوشش کی، لڑکی کے بارہا انکار کے باوجود لڑکا موٹر سائیکل پر بیٹھنے کیلئے اصرار کرتا رہا۔

خواتین کا تحفظ پنجاب پولیس کی اولین ترجیح
پنجاب پولیس ویمن سیفٹی ایپ کے مدد سے خاتون کو چھیڑنے والا ملزم فوری گرفتار کرلیا گیا۔
متاثرہ لڑکی نے ویمن سیفٹی ایپ لائیو چیٹ فیچر کے ذریعے پنجاب سیف سٹیز میں رابطہ کیا۔جس پر پولیس نے چند منٹوں میں ملزم کو گرفتار کر لیا. pic.twitter.com/5Gpr10sSrp

— PSCA (@PSCAsafecities) March 31, 2023

متاثرہ لڑکی نے ویمن سیفٹی ایپ لائیو چیٹ فیچر کے ذریعے سیف سٹیز اتھارٹی میں رابطہ کیا، سیف سٹیز اتھارٹی کی نشاندہی پر پولیس نے چند منٹوں میں لوکیشن پر پہنچ کر ملزم کو گرفتار کر لیا۔

یہ بھی پڑھیے: اوکاڑہ،مبینہ پولیس مقابلہ، 4 ڈاکو ہلاک

ایس پی سیف سٹی اتھارٹی وقار عظیم کا کہنا تھا کہ خواتین کی بروقت رہنمائی اور فوری امداد کیلئے ویمن سیفٹی ایپ ایک بہترین ذریعہ ہے، اب اڑھائی لاکھ سے زائد خواتین پنجاب پولیس ویمن سیفٹی ایپ انسٹال کر چکی ہیں، خواتین اپنا تحفظ یقینی بنانے کیلئے پنجاب پولیس ویمن سیفٹی ایپ ضرور انسٹال کریں۔