کراچی۔۔ڈکیتی مزاحمت پر 3 افراد قتل
Stay tuned with 24 News HD Android App
(24نیوز)کراچی کے علاقے سعید آباد،گلستان جوہر اور سپر ہائی وے پر ڈکیتی کے دوران مزاحمت پر 3 افراد کو موت کے گھاٹ اتار دیا گیا۔
پولیس کے مطابق بلدیہ ٹاؤن کے علاقے سعیدآباد میں ڈکیتی کے دوران مزاحمت پر فائرنگ سے 34 سالہ نوید جاں بحق ہوگیا۔پولیس کا کہنا ہےکہ ہائی وے پنجاب کٹ کے قریب ڈکیتی کے دوران مزاحمت پر چھریوں کے وار سے دو افراد زخمی ہوگئے جن میں سے ایک شخص دوران علاج جاں بحق ہوگیا جس کی شناخت 22 سالہ قند آغا کے نام سے ہوئی جب کہ زخمی کی شناخت 35 سالہ جمعہ دین کے نام سے ہوئی ۔پولیس کے مطابق جوہر موڑ کے قریب ڈکیتی کے دوران مزاحمت پر نامعلوم ملزموں نے گاڑی پر فائرنگ کردی جس سے 35 سالہ حمزہ اور 60 سالہ وجیہہ الحسن زخمی ہوگئے جنہیں طبی امداد کے لئے جناح ہسپتال منتقل کردیا گیا جہاں وجیہہ الحسن دوران علاج جاں بحق ہوگیا۔
یہ بھی پڑھیں: عمران خان نے انصاف کا وعدہ کیا تھا ،اب انصاف دیا جائے،جہانگیر ترین