(24 نیوز)بالی ووڈ کی فلموں اور ٹی وی کی اداکارہ حنا خان کے میوزک ویڈیو ’ پتھر ورگی‘ کے مشہور ہونے کے بعد اب مداح ان کے اگلے ویڈیو کا انتظار کر رہے ہیں۔ مداحوں کا انتظار جلد ہی ختم ہونے والا ہے کیونکہ اداکارہ کا نیا میوزک ویڈیو اگلے ماہ 3 جون کو ریلیز ہو رہا ہے۔ اداکارہ سخت ٹھند میں’بارش بن جانا ‘ کی شوٹنگ کیلئے مقبوضہ کشمیر میں تھیں۔ اب حنا خان نے اپنے سوشل میڈیا اکاؤنٹ پر اس گانے سے جڑا ایک مزیدار بی ٹی ایس ویڈیو شیئر کیا ہے۔
بھارتی نجی ٹی وی چینل کی ویب سائٹ کےمطابق حنا خان نے یہ ویڈیو اپنے انسٹاگرام اکاؤنٹ پر شیئر کیا جس میں وہ شہیر شیخ ے ساتھ نظر آرہی ہیں۔ ویڈیو میں آپ حنا خان کو سر پر تولیہ لپیٹے ہو دیکھ سکتے ہیں۔ وہ اس مزیدار ویڈیو میں جگہ کی ٹھنڈک کے بارے میں بتا رہی ہیں۔ ساتھ میں بتا رہی ہیں کہ بارش میں انہیں کتنا پریشان ہونا پڑا تھا، لیکن ویڈیو کے لحاظ سے اسے صحیح بتا رہی ہیں۔ حنا ویڈیو کے کیپشن میں لکھتی ہیں۔ ہمیں مائنس ڈگری درجہ حرارت میں برف جیسی ٹھنڈی بارش میں کچھ اس طرح پریشان کیا گیا تھا اور کیسے اس خوبصورت خاتون پوجا سنگھ گجرال نے اس برفیلی تکلیف کو ’بارش بن جانا‘ نام دے دیا۔
حنا خان نے آگے لکھا کہ میں جانتی ہوں کہ یہ دیکھنا کافی رومانٹک احساس کراتا ہے لیکن اس میں بہت محنت لگی ہے۔ آخر یہ سب ضروری تھا۔ حنا خان کا یہ ویڈیو سوشل میڈیا پر دھوم مچا رہا ہے۔ اب دیکھنا ہوگا کہ حنا خان کا ’بارش بن جانا‘ گانا کتنا دم رکھتا ہے۔
پوسٹر میں حنا اور شہیر کا انداز کافی رومانٹک نظر آیا ۔ اس سے میوزک ویڈیو کے حوالے سے انکے مداح پر جوش ہیں۔
یہ بھی پڑھیں: مجھے اپنی فلم میں لے لیں ، فریڈی دارو والا کی شاہ رخ کو سوشل میڈیا پر فریاد