کینیڈا کے مختلف ویزوں کی فیس کتنی ہے؟ جانیے

(ویب ڈیسک)رواں ماہ میں کینیڈین ویزا کے اخراجات اور چارجز کتنے ہیں حقائق سامنے آ گئے ہیں۔

کینیڈا کو طویل عرصے سے اپنے افق کو وسیع کرنے اور نئے تجربات جیسے کام کے مواقع اور تعلیم کا حصول یا ملک کے دلکش مناظر اور متنوع ثقافت میں اپنے آپ کو مستفید کرنے کے خواہاں افراد کے لیے ایک متلاشی منزل کے طور پر جانا جاتا ہے۔

یہ بھی پڑھیں: حج 2023کے خواہشمند افراد کیلئے خوشخبری

بیرون ملک سے کینیڈا میں قانونی داخلہ شروع کرنے کے لیے ویزا حاصل کرنا بہت ضروری ہے۔  تاہم ویزا حاصل کرنے کا عمل اکثر مہنگا ہوتا ہے اور فیصلہ سازی کو نمایاں طور پر متاثر کرتا ہے۔

کینیڈین ویزا کی فیس کتنی ہے؟

اگر آپ رواں سال ہی کینیڈا جانے کا ارادہ رکھتے ہیں تو یہ جاننا اچھا ہے کہ آپ کے ویزا کے لیے کتنا خرچ آئے گا۔ فیس آپ کے وزٹ کی قسم اور طوالت پر مشروط ہے۔ وزیٹر ویزا، ای ٹی اے، ورک پرمٹ، یا سٹڈی پرمٹ ہر ایک مختلف پروسیسنگ کے اوقات اور اخراجات کے ساتھ ہوتے ہیں۔ آپ کو بایومیٹرکس جیسے فنگر پرنٹس اور ڈیجیٹل تصویر کے لیے بھی ادائیگی کرنی ہوگی۔

یہ بھی پڑھیں: کون سا ملک کتنا پرسکون یا مسائل کا شکار ہے؟

ویزٹ ویزا

 ویزٹ ویزا کی انفرادی فیس 100 کینیڈین ڈالر ( 21 ہزار پاکستانی روپے)  فی شخص ہے، خاندانی فیس 5 یا اس سے زیادہ افراد پر مشتمل فی خاندان 1 فیس 500 کینیڈین ڈالر (ایک لاکھ 5 ہزار اور 90 پاکستانی روپے) اور ویزا کی توسیع کی فیس فی کس بھی  100کینیڈین ڈالر(21 ہزار  پاکستانی روپے) ہے۔

سٹوڈنٹ ویزا

سٹوڈنٹ ویزا کیلئے درخواست کی فیس 150کینیڈین ڈالر (ساڑھے 31 ہزار پاکستانی ڈالر) ہے اور بائیو میٹرکس فیس فی کس   85 کینیڈین ڈالر (17 ہزار 8 سو 65 پاکستانی روپے) ہے۔

یہ بھی پڑھیں: ’اس کیلئے یہی سکون ہوگا‘ دو سال سے ماں کی قبر پر رہنے والے بچے کی کہانی

ورکنگ ویزا

ورکنگ ویزا کیلئے درخواست کی فیس بشمول ایکسٹینشن  فی کس 155 کینیڈین ڈالر (32 ہزار 5 سو 78 پاکستانی روپے) ہے، درخواست کی فیس بشمول ایکسٹینشنز   3 یا اس سے زیادہ پرفارم کرنے والے فنکاروں کیلئے  465 کینیڈین ڈالر (97 ہزار 7 سو 34 پاکستانی روپے) ہے اور اوپن ورک پرمٹ ہولڈر کیلئے فیس صرف  100کینیڈین ڈالر (21 ہزار  پاکستانی روپے) ہے۔