ارجن کپور سے بریک اپ کے بعدملائیکہ اروڑا کی ذومعنی پوسٹ
راہیں جدا ہونے کی تصدیق خود ارجن کپور نے کی جب ان کےسٹیج پر آنے کے بعد ملائیکہ اروڑا کے نام کے نعرے لگے
Stay tuned with 24 News HD Android App
(ویب ڈیسک)بالی وڈ اداکار ارجن کپور سے بریک اپ کے بعداداکارہ ملائیکہ اروڑا کی ذومعنی پوسٹ سامنے آگئی ۔
ملائیکہ اروڑا سے راہیں جدا ہونے کی تصدیق خود ارجن کپور نے اس وقت کی جب گزشتہ دنوں ایک تقریب میں ارجن کپور کے اسٹیج پر آنے کے بعد ملائیکہ اروڑا کے نام کے نعرے لگے جس پر اداکار نے کہا کہ وہ اب سنگل ہیں۔
اب بریک اپ کے بعد ملائیکہ کی ایک ذومعنی سوشل میڈیا پوسٹ سامنے آئی ہے جسے ان کے مداح ارجن کپور کے ساتھ ہونے والے بریک اپ سے جوڑرہے ہیں جب کہ اداکارہ کی پوسٹ وائرل بھی ہورہی ہے۔
اداکارہ نے ایک پوسٹ شیئر کی جس میں لکھا تھا کہ "ایک لمحے کے لیے دل کو چھونا زندگی بھر کے لیے روح کو چھو سکتا ہے۔"،اس کے ساتھ ہی ملائیکہ نے اپنے چاہنے والوں کو صبح بخیر بھی کہا۔
واضح رہے کہ ملائیکہ اروڑا اور ارجن کپور نے 2018 ء میں ڈیٹنگ شروع کی تھی، تاہم انہوں نے اپنے تعلقات کو کافی عرصے تک چھپا کررکھا، دونوں کے تعلق کی خبریں منظر عام پر آنے کے بعد ان کی شادی کے حوالے سے بھی افواہیں سرگرم رہی تھیں، تاہم جوڑے کی جانب سے کبھی شادی کی افواہوں پر ردعمل نہیں دیا گیا،گزشتہ ماہ ملائیکہ کے والد انیل مہتا کی خودکشی پر ارجن کپور اداکارہ سے ملنے گھر بھی آئے تھے۔