رائیونڈ: عالمی تبلیغی اجتماع کا آغاز، سیکیورٹی، صفائی اور میڈیکل سہولت کے انتظامات

(شاہد سپرا) رائیونڈ میں عالمی تبلیغی اجتماع کا آغاز ہو گیا، تبلیغی اجتماع کا آغاز امیر جماعت مولانا نذرالرحمان کے بیان سے ہوا۔

عالمی تبلیغی اجتماع 2 مراحل میں مکمل ہو گا، اجتماع کا پہلا مرحلہ بعد از عصر شروع ہوا، پہلے مرحلے میں لاہور کے شہریوں کی بڑی تعداد میں شرکت کی، پہلے مرحلے میں شرکت کے لئے شہریوں کی آمد کا سلسلہ جاری ہے، پشاور اور کوئٹہ سے فرزندان اسلام شریک ہوں گے، پہلے مرحلے کی اختتامی دعا اتوار کی صبح ہو گی۔

یہ بھی پڑھیں: سرکاری ملازمین کیلئے چھٹیوں کا اعلان

تبلیغی اجتماع کا دوسرا مرحلہ 7 نومبر کو شروع ہو گا، دوسرے مرحلے میں فیصل آباد، ڈی آئی خان، سوات سے مندوبین شریک ہوں گے، تبلیغی اجتماع میں سیکیورٹی، صفائی، میڈیکل سہولت کے انتظامات کئے گئے، اجتماع گاہ کے اطراف میں کئی ایکڑز پر محیط پارکنگ سٹینڈز قائم کئے گئے ہیں۔