پیٹرول اور ڈیزل کی نئی قیمتوں کا اعلان

(24نیوز)عالمی منڈی میں  خام تیل کی قیمتوں میں کمی کے باوجود حکومت نے پیٹرولیم مصنوعات کی قیمتوں میں اضافہ کردیا،جس کا نوٹیفکیشن جاری کردیا گیا۔

نوٹیفکیشن کے مطابق پیٹرول کی قیمت میں1 روپے 35 پیسے،ڈیزل کی قیمت میں3 روپے 85 پیسے کاا ضافہ کیا گیا،جبکہ مٹی کے تیل کی قیمت میں ایک روپے 48 پیسے اور لائٹ ڈیزل کی قیمت میں2 روپے 61 پیسے کمی کی گئی ہے۔

نوٹیفکیشن کے مطابق پٹرول کی نئی قیمت 248 روپے 38 پیسے،ڈیزل کی نئی قیمت 255 روپے 14 پیسے ہو گئی۔لائٹ ڈیزل 2 روپے 61 پیسے سستاہونے کے بعد 147 روپے 51 پیسے،مٹی کا تیل ایک روپے 48 پیسے کمی سے 161 روپے54 پیسے فی لٹر ہو گیا۔قیمتوں کا اطلاق رات 12 بجے سے ہوگا۔