سابق ممبر قومی اسمبلی میاں عبدالستار انتقال کر گئے 

(عامر سہیل)پاکستان کے علاقے خان پور سے تعلق رکھنے والے سابق ممبر قومی اسمبلی میاں عبدالستار طویل علالت کے بعد انتقال کر گئے ۔

میاں عبدالستار 2008 میں پاکستان پیپلز پارٹی سے ممبر قومی اسمبلی منتخب ہوئے تھے،ان کی نماز جنازہ چک 4 پی میں آج شام 4:30 بجے ادا کی جائیگی ،میاں عبدالستار,  ایم این اے میاں غوث محمد اور سابق ایم پی اے میاں شفیع محمد کے بڑے بھائی تھے،میاں عبدالستار دربار جھٹہ بھٹہ کے سجادہ نشین بھی تھے، نماز جنازہ میں اہم سیاسی شخصیات کی شرکت متوقع ہے .