ارجن کپور اورراکول پریت سنگھ کی فلم "میرے ہسبینڈ کی بیوی" کا پوسٹر جاری

(ویب ڈیسک)بالی ووڈ اداکار ارجن کپور اور راکول پریت سنگھ کی نئی فلم "میرے ہسبینڈ کی بیوی" کا پوسٹر جاری کر دیا گیا۔

 دلچسپ پوسٹر نے فلم کے شائقین میں بے حد تجسس پیدا کر دیا ہے کیونکہ  پوسٹر میں ارجن کپور کو درمیان میں دکھایا گیا ہے جبکہ بھومی پیڈنیکر اور راکول پریت گھوڑے پر بیٹھی ہوئی ہیں اور ارجن کو اپنی جانب کھینچ رہی ہیں۔

ارجن کپور نے انسٹاگرام پر فلم کا پوسٹر شیئر کرتے ہوئے مزاحیہ کیپشن بھی لکھا" ’’کھینچو۔۔۔ اور کھینچو، شرافت کی یہی سزا تو ہوتی ہے، کلیش ہو یا تصادم، پستا تو مجھ جیسا عام آدمی ہے۔"

اداکار نے مزید انکشاف کیا کہ فلم 21 فروری کو سینما گھروں کی زینت بنے گی۔

ارجن کپور کو آخری بار فلم "سنگھم اگین" میں دیکھا گیا تھا جس میں انہوں نے منفی کردار نبھایا تھا۔

یہ بھی پڑھیں:اداکار، گلوکار اور سابق ٹینس کھلاڑی احمد علی اکبر آئندہ ماہ شادی کیلئے تیار،مداحوں کی مبارکبادیں

راکول پریت سنگھ اپنی 2019 کی ہٹ فلم کے سیکوئل "دے دے پیار دے 2" کی ریلیز کی منتظر ہیں جس کی ہدایت کاری انشول شرما نے کی ہے،دوسری جانب بھومی پیڈنیکر اپنی ویب سیریز کے آغاز کی تیاری میں مصروف ہیں جہاں وہ ایک پولیس اہلکار کے کردار میں نظر آئیں گی۔