لیونارڈو ڈی کیپریو اسکوئڈ گیم 3 کا حصہ ہوں گے؟نیٹ فلکس نے بتادیا

(ویب ڈیسک) مختلف سوشل میڈیا پلیٹ فارمز پر افواہیں گردش کر رہی ہیں کہ ہالی ووڈ اسٹار لیونارڈو ڈی کیپریو مشہور زمانہ  کورین ویب سیریز"اسکوئڈ گیم" کے تیسرے سیزن میں اداکاری کے جوہر دکھائیں گے۔

"اسکوئڈ گیم 3" کے حوالے سے ایک غیر ملکی میڈیا پلیٹ فارم پر خبر دی گئی تھی کہ لیونارڈو ڈی کیپریو نے سیریز کی شوٹنگ کا آغاز بھی کردیا ہے جسے خفیہ رکھا گیا ہے۔

نیٹ فلکس نے"اسکوئڈ گیم 2 "کی ریلیز اور شاندار کامیابی کے بعد اس کے تیسرے سیزن کا اعلان کیا ہے جو 2025 میں ریلیز کردیا جائے جس پر شائقین بےحد خوش ہیں۔

تاہم نیٹ فلکس کی جانب سے ان افواہوں پرردعمل دیتے ہوئے ان کی تردید کردی گئی ہے، حالیہ بیان میں نیٹ فلکس کی جانب سے کہاگیاہے کہ اسکوئڈ گیم کے سیزن 3 سے متعلق یہ خبریں مکمل طور پر غلط ہیں،لیونارڈو سیریز میں شامل نہیں ہیں۔

یہ بھی پؑڑھیں:سجادعلی کے بچپن کا آڈیو کلپ وائرل، گائیکی میں پختگی پر مداح حیران

واضح رہے کہ "اسکوئڈ گیم 2 "نے ریلیز سے اب تک 68 ملین ویوز حاصل کرلیے ہیں اور دوسرے سیزن کو بھی شائقین کی جانب سے پسند کیا جارہا ہے۔