جاپانی اداکارہ کائے اساکرا کے لاہور میں سیر سپاٹے،ویڈیوز وائرل
Stay tuned with 24 News HD Android App
(ویب ڈیسک)جاپان کی معروف اداکارہ،سوشل میڈیا انفلوئنسر اور فوڈ ولاگر کائے اساکرا کی لاہور کی تاریخی بادشاہی مسجد میں سیر سپاٹوں کی ویڈیوز اور تصاویر وائرل ہوگئیں۔
کائے اساکرا شوبز میں "رائے لِل بلیک" کے نام سے مشہور ہیں،وہ جہاں ایڈلٹ ماڈلنگ کرتی دکھائی دیتی ہیں تو وہیں فوڈ ولاگر کے طور پر مختلف ممالک کی سیر بھی کرتی رہتی ہیں۔
حال ہی میں کائے اساکرا نے لاہور کے مختلف مقامات کی سیرکی تصاویر انسٹاگرام پر شیئر کی ہیں جو دیکھتے ہی دیکھتے سوشل میڈیا پر وائرل ہوگئیں، شیئر کردہ تصاویر اور ویڈیوز میں انہیں لاہور کی تاریخی بادشاہی مسجد کی سیر کرتے ہوئے بھی دیکھا جا سکتا ہے۔
ویڈیوز اور تصاویر میں جاپانی اداکارہ باحجاب نظر آتی ہیں جبکہ انہیں لاہور کے دیگر تاریخی مقامات کی بھی سیر کرتے دیکھا جا سکتا ہے۔
کائے اساکرا کی جانب سے تاریخی بادشاہی مسجد کی سیر کرنے اور حجاب کرنے کے بعدسوشل میڈیا پر یہ افواہیں بھی پھیلنے لگی ہیں کہ جاپانی اداکارہ دائرہ اسلام میں داخل ہونے جا رہی ہیں،وہ پاکستان پہنچنے سے قبل متحدہ عرب امارات پہنچی تھیں جہاں انہوں نے مکمل اسلامی لباس پہنا تھا۔
یہ بھی پڑھیں:انجیلینا جولی اور بریڈپٹ کے درمیان طلاق کا تصفیہ طے پاگیا
کائے اساکرا نے متعدد ایکشن فلموں اور ویب سیریز میں بھی کام کیا ہے، ان کی زیادہ تر فلمیں اور ویب سیریز جاپان، کوریا، تھائی لینڈ اور سنگاپور جیسے ممالک میں مقبول ہیں۔