سیاست پارلیمنٹ میں ہونی چاہئے،انتخابات 2029 میں ہوں گے:وفاقی وزیر اطلاعات

(24 نیوز)وفاقی وزیر اطلاعات عطا تارڑ نے کہا ہے کہ سیاست پارلیمنٹ میں ہونی چاہیے،انتخابات 2029 میں ہوں گے۔ 

ایک بیان میں وزیر اطلاعات نے کہا کہ مولانا فضل الرحمان بزرگ اور قابل احترام سیاست دان ہیں، مولانا کو چاہیے کہ حکومت کے بہتر معاشی اقدامات کو سراہیں جن کی وجہ سے اسٹاک ایکسچینج تاریخی بلندی پر ہے۔
انہوں نے کہا کہ زرمبادلہ کے ذخائر بڑھ رہے ہیں، تجارتی خسارہ کم اور روپے کی قدر مستحکم ہورہی ہے، یہ وقت بیان بازی کا نہیں ہے، سیاست پارلیمنٹ میں ہونی چاہیے۔

ضرورپڑھیں:انتخابی ’بلے ‘کا نشان ،سپریم کورٹ نے غلطی مان لی؟

واضح رہے کہ مولانا فضل الرحمان نے کہا ہے کہ غیرجانبدارانہ انتخابات کرائے جائیں جس سے  اسٹیبلشمنٹ اور خفیہ ادارے انتخابات سے دور رہیں، کوئی مداخلت نہ کریں جب کہ ہم بصد احترام سمجھتے ہیں پاکستان تحریک انصاف کی قیادت میں یکسوئی کی کمی ہے، پی ٹی آئی قائد کی طرف سے وفود بات تو کرتے ہیں مگر ابھی تک کوئی مذاکراتی کمیٹی تشکیل نہیں دی گئی۔