چیمپئنز ٹرافی کے سیمی فائنل میں پہنچنے والی چوتھی ٹیم کون؟ فیصلہ ہو گیا

(24نیوز)آئی سی سی چیمپئنز ٹرافی کے سیمی فائنل میں پہنچنے والی چوتھی ٹیم سے متعلق فیصلہ ہو گیا۔

تفصیلات کے مطابق آئی سی سی چیمپئنز ٹرافی کے 11ویں میچ میں  جنوبی افریقا کے خلاف انگلینڈ کی ٹیم 179 رنز پر ڈھیر ہوگئی۔کراچی میں کھیلے جا رہے میچ میں انگلینڈ  نے جنوبی افریقا کے خلاف ٹاس جیت کر بیٹنگ کرنے کا فیصلہ کیا۔

انگلش ٹیم کی جانب سے اننگز کا آغاز مایوس کن رہا اور وکٹیں مسلسل گرتی رہیں تاہم روٹ، آرچر اور بین ڈکٹ نے مزاحمت کی۔ انگلینڈ کی پوری ٹیم 179 رنز بنا کر ڈھیر ہوگئی۔  
روٹ 37، آرچر 25 رنز بنا کر نمایاں رہے۔ جانسین اور ملڈر نے 3، 3 اور مہاراج نے دو کھلاڑیوں کا آؤٹ کیا۔ رن ریٹ کی بنیاد پر جنوبی افریقا نے سیمی فائنل کیلئے کوالیفائی بھی کرلیا۔ افغانستان کی ٹیم چیمپئنز ٹرافی کے سیمی فائنل کی دوڑ سے باہر ہوگئی۔

بھارت، نیوزی لینڈ، جنوبی افریقا اور آسٹریلیا سیمی فائنل میں پہنچ گئے، سیمی فائنل میں کون کس سے ٹکرائے گا، فیصلہ کل ہوگا۔

یہ بھی پڑھیں:رمضان سے قبل پھلوں و سبزیوں کی نئی قیمتیں سامنے آ گئیں