ہالی ووڈ اسٹار ایان آرمیٹیج دنیا کے امیر ترین کم عمر اداکار

(ویب ڈیسک)ہالی ووڈ کے چائلڈ اسٹار ایان آرمیٹیج دنیا کے امیر ترین کم عمر اداکار بن گئے۔

ہالی ووڈ کی ہٹ فلم "ینگ شیلڈن" میں مرکزی کردار نبھانے  والے اداکار ایان آرمیٹیج کی مجموعی دولت تقریباً 6 ملین ڈالر ہے،وہ اس وقت 16 برس کے ہیں اور دنیا کے امیر ترین کم عمر اداکار کے طور پر جانے جاتے ہیں۔

اداکاروں کی مجموعی دولت کی رپورٹ کرنے والی ایک ویب سائٹ کے مطابق دنیا کے امیر ترین چائلڈ اسٹارز میں ایان کی دولت دوسرے مشہوربچوں"ماڈرن فیملی" کی اوبری اینڈرسن،ایمنز اور کینیڈین اداکار جیکب ٹریمبلے سے کہیں زیادہ ہے۔ 

ایان کی شہرت کا آغازاس وقت ہوا جب انہوں نے کم عمری میں ہی Iain Loves Theatre کے نام سے ایک یوٹیوب سیریز بنائی ،وہ 6 سال کی عمر سے ہی تھیٹر پرپرفارم کررہے ہیں۔

 ایان نے  2014 میں دی پیریز ہلٹن شو، 2017 میں دی گلاس کاسل،آور سولز ایٹ نائٹ اور آئی ایم ناٹ ہئیر جیسی فلموں میں اداکاری کے جوہر دکھائے،تاہم ینگ شیلڈن میں ادا کئے گئے مرکزی کردار نے انہیں حقیقی شہرت دلائی،ایان اس کردار کے ذریعے کم عمری میں پرائم ٹائم ٹی وی شو کے لیڈ اداکار بھی بنے۔

یہ بھی پڑھیں:منظرصہبائی نے مجھے کیسے پروپوزکیاتھا؟ثمینہ احمدنے بتادیا

اس وقت ایان آرمیٹیج کی دولت 6 ملین ڈالر ہے جوان کی عمر سے کئی بڑی عمر کے اداکاروں اور فنکاروں سے بھی زیادہ ہے۔