مائیکرو سافٹ، گوگل چیف نے کتنے ارب میں ٹیم خریدی؟

 (24 نیوز )سلیکون ویلی کی ارب پتی شخصیات نے انگلش دی ہنڈرڈ ایونٹ میں لندن سپرٹ 145 ملین پاؤنڈ (یعنی پاکستانی روپوں میں 15 ارب 58 کروڑ 42 لاکھ سے زائد) میں خرید لی۔

 میڈیا رپورٹس کے مطابق اس کنسورشیم میں مائیکروسافٹ کے سربراہ ستیا نڈیلا، گوگل کے چیف ایگزیکٹیو سندر پچائی، میجر لیگ کرکٹ کے شریک فاؤنڈر اور ٹامز انٹرنیٹ کے وائس چیئرمین ستیان گجوانی، ٹیک ایگزیکٹیو نیکش اروڑا و دیگر شامل ہیں۔

ہنڈریڈ ٹیم لندن اسپرٹ میں 49 فیصد حصص کیلئے لگنے والی بولی کی جنگ پالو آلٹو نیٹ ورکس کے نیکش اروڑا نے جیتنے کے بعد انگلش کرکٹ کو ملٹی ملین پاؤنڈ کا نقصان پہنچا دیا ہے۔

مزید پڑھیں:معروف یو ٹیوبر کی ڈبلیو ڈبلیو ای میں دھلائی

کرک انفو کی رپورٹ میں کہا گیا ہے کہ کنسورشیم کی بولی کی قیادت ستیان گجوانی اور نیکش اروڑا نے کی تھی تاہم کنسورشیم میں مجموعی طور پر 11 افراد شامل ہیں، جن میں سے 5 کے نام ابھی تک عوامی طور پر سامنے نہیں آئے ہیں۔

 مزید پڑھیں:چیمپئنر ٹرافی سے قبل بھارتی بلے باز کا ریٹائرمنٹ کا اعلان

اسی طرح میجر لیگ کرکٹ ٹیم واشنگٹن فریڈم نے ویلز فائر کے شیئر 65 ملین پاؤنڈ میں خریدے۔

ایونٹ کے آغاز سے قبل انگلش کرکٹ بورڈ (ای سی بی) نے ہر ٹیم کے صرف 49 فیصد شیئر فروخت کرنے کا اعلان کیا تھا جبکہ 51 فیصد حصص اپنے پاس رکھے تھے۔