بھارتی گلوکاراُدت نارائن نئے تنازعے کاشکار، سوشل میڈیا پر ہنگامہ برپا
یہ سب محض مداحوں سے محبت کا اظہار تھا، کچھ غلط کیانہ اس پرافسوس ہے,گلوکار
Stay tuned with 24 News HD Android App
(ویب ڈیسک) بالی ووڈ کے معروف گلوکار اُدت نارائن کنسرٹ کے دوران ایک خاتون کے ساتھ شرمناک حرکت کے باعث نئے تنازعےکاشکارہوگئے۔
ایک حالیہ کنسرٹ میں خاتون مداح کے ساتھ ان کی قربت کی ویڈیو سوشل میڈیا پر وائرل ہوئی ہے جس کے بعد گلوکار کو شدید تنقید کا سامنا کرنا پڑرہا ہے۔
ویڈیو میں اُدت نارائن کو ایک خاتون مداح کے ساتھ سیلفی لیتے ہوئے اس کے گالوں پر بوسہ دیتے ہوئے بھی دیکھا جاسکتا ہے، اس کے بعد انہوں نے خاتون مداح کے ہونٹوں پر بھی بوسہ لیا۔
اس واقعے کے بعد سوشل میڈیاصارفین مختلف قسم کے ردعمل کااظہارکررہے ہیں،کئی لوگوں کا کہنا ہے کہ اُدت نارائن کو اس طرح کا رویہ نہیں دکھانا چاہیے تھا۔
یہ بھی پڑھیں:برطانوی راک بینڈ"کولڈپلے"نےعالمی ریکارڈاپنے نام کرلیا
دوسری جانب، اُدت نارائن کا کہنا ہے کہ یہ سب محض مداحوں سے محبت کا اظہار تھا اور اس میں کچھ غلط نہیں ہے،مداحوں کی دیوانگی کو دیکھتے ہوئے انہوں نے ایسا کیا اور انہیں اس پر افسوس نہیں ہے۔