تیز ہواؤں کیساتھ بارش اور برفباری،محکمہ موسمیات نے بڑی نوید سنا دی

(روزینہ علی)محکمہ موسمیات نے ملک کے مختلف علاقوں میں تیزہواؤں کے ساتھ بارش اور برفباری کی نوید سنا دی۔

رپورٹ کے مطابق آج رات ملک کے بیشتر علاقوں میں موسم سرد اور خشک رہنے کا امکان  ہےتاہم گلگت بلتستان اورکشمیر میں موسم شدید سرد اور مطلع جزوی ابرآلود رہنے کےعلاوہ چند مقامات پرہلکی بارش اور پہاڑوں پر ہلکی برفباری ہو سکتی ہے۔ شمال مشرقی پنجاب میں ہلکی سے درمیانی دھندپڑ نے کی توقع ہے۔

یہ بھی پڑھیں:چیمپئنز ٹرافی کا فائنل کونسی 2 ٹیمیں کھیلیں گی؟رکی پونٹنگ کی بڑی پیشگوئی

محکمہ موسمیات کاکہناتھا کہ پیر کے روزاسلام آباد اور گردونواح میں موسم سرد اور خشک رہنے کا امکان ہے۔ادھرخیبرپختونخوا کے بیشتر اضلاع میں موسم سرد اور خشک رہے گا۔تا ہم شام/ رات کے اوقات میں چترال، دیر، سوات، کو ہستان، بٹگرام، کرم اور باجوڑمیں مطلع ابرآلود رہنے کے علا وہ چند مقامات پرہلکی بارش اور ہلکی برفباری کی توقع ہے۔

رپورٹ کے مطابق پنجاب کے بیشتر اضلاع میں موسم سرد اور خشک جبکہ مری، گلیات اور گردونواح میں موسم شدیدسرد رہنے کا امکان ہے تاہم لاہور، قصور، اوکاڑہ ، ننکا نہ صا حب، شیخو پورہ، سیالکوٹ،نارووال، گجرات،گوجرانوالہ اور حا فظ آباد میں صبح کے اوقات میں ہلکی سے درمیانی دھند پڑ نے کی توقع ہے۔

یہ بھی پڑھیں:سعودی عرب میں پاکستانی روپے کے مقابلے میں سعودی ریال مہنگا ہو گیا

بلوچستان کے بیشتر اضلاع میں موسم سرد اور خشک رہے گا۔تاہم کوئٹہ، زیارت، پشین، ژوب، قلات ، مستونگ، قلعہ عبدا للہ میں چند مقامات پر تیز ہواؤں کے ساتھ ہلکی بارش اور ہلکی برفباری کی توقع ہے ۔ اس دوران نوشکی ، چاغی، گودار، تربت اور پنجگور میں چند مقامات پر تیز ہواؤں کے ساتھ ہلکی بارش کی توقع ہے۔

سندھ کے بیشتر اضلاع میں موسم خشک اور سرد رہے گا۔گلگت بلتستان اور کشمیر  میں موسم شدید سرد اور مطلع جزوی ابرآلود رہنے کاامکان۔ تاہم شام /رات میں چند مقامات پرہلکی بارش اور ہلکی برفباری ہو سکتی ہے۔

آج کم سےکم درجہ حرارت لہہ منفی11،قلات منفی 07،گوپس ،زیارت،کالام منفی 06، بگروٹ منفی 05، ہنزہ ،کوئٹہ منفی 04 ، پاراچناراورا استور میں منفی 03 ڈگری سینٹی گریڈ ریکارڈ کیا گیا ۔

یہ بھی پڑھیں:مردہ قرار دیا گیاشخص ڈھائی ماہ بعد زندہ گھر واپس آگیا