(24 نیوز) اسلام آباد پولیس کے ایک انسپکٹر نے پتنگ بازی روکنے میں ناکامی پر مسجد کے لائوڈ سپیکر پراعلان کیا ہے کہ وہ پتنگ باز کا گھر گرانے اور اسکو سرعام جوتے مارنے کا اعلان کیا ہے۔
رپورٹ کے مطابق ایک ویڈیو منظر عام پر آئی ہے جس میں پتنگ بازی روکنے میں ناکامی پر اسلام آباد پولیس کا انوکھا اقدام سامنے آیا ہے اور تھانہ سیکرٹریٹ کے ایس ایچ او اشفاق وڑائچ کی جانب سے علاقے کی مسجد کے لاؤڈاسپیکر پر خاص اعلان کیا گیا ہے جس کی ویڈیو بھی وائرل ہے۔ایس ایچ او اشفاق وڑائچ کی جانب سے لاؤڈ اسپیکر پر پتنگ باز کو سرعام جوتے مارنے کا اعلان بھی کیا گیا۔اشفاق وڑائچ کا والدین کو مخاطب کرتے ہوئے کہنا تھا کہ ’ ایس ایچ او سیکرٹریٹ بول رہا ہوں ، اپنے اپنے بچوں کو منع کردیں کہ کوئی بھی پتنگ بازی نہیں کرے گا، یہ خونی کھیل ہے جس سے کسی کی بھی جان ضائع ہوسکتی ہے ‘۔ایس ایچ او نے والدین سے مزید کہا کہ ’ یہ کان کھول کر سن لیں اور اپنے اپنے بچوں کو منع کردیں ۔انہوں نے کہا کہ ’ اگر کسی کا بچہ پتنگ بازی کرتا ہوا پکڑا گیا تو اس کے ’’ باپ ‘‘ پر پرچہ دوں گا اور روڈ کے درمیان اس کو جوتے ماروں گا اور اس کا گھر بھی ڈی مولش ( مسمار ) کروں گا ‘۔
یہ بھی پڑھیں:گوجرانوالہ:پستول کے ساتھ مستی، دوست نے دوست کی جان لے لی