شوبز عروج پر بالی ووڈ چھوڑنے والی اداکارہ کی دولت نے سب کو حیران کر دیا!

(ویب ڈیسک)بھارتی ٹی وی انڈسٹری کی مشہور اداکارہ آشکا گوراڈیا نے اپنی شاندار اداکاری کیریئر کو خیرباد کہہ کر کاسمیٹک بزنس میں قدم رکھا اور  آج وہ اپنی کمپنی کی کامیابی کی بدولت کئی بالی ووڈ اداکاراؤں سے زیادہ کمائی کر چکی ہیں۔

آشکا گوراڈیا نے 2019 میں ٹی وی انڈسٹری چھوڑنے کے بعد 2020 میں اپنے دوستوں اشوتوش ولانی اور پریانک شاہ کے ساتھ رینی کاسمیٹکس کی بنیاد رکھی اور صرف دو سالوں میں ان کی کمپنی کی مالیت 100 ملین ڈالر (820 کروڑ روپے) تک پہنچ گئی۔

آشکا گوراڈیا رینی کاسمیٹکس کی ڈائریکٹر اور چیف مارکیٹنگ آفیسر ہیں ان کی کمپنی کے پورٹ فولیو میں 200 سے زائد مصنوعات شامل ہیں جو مختلف آن لائن پلیٹ فارمز پر دستیاب ہیں۔

گزشتہ سال کمپنی نے 25 ملین ڈالر کی فنڈنگ حاصل کی، جس کے بعد اس کی کل ویلیو ایشن 100 ملین ڈالر تک پہنچ گئی۔

انھوں نے 2002 میں ٹی وی انڈسٹری میں قدم رکھا اور مشہور ڈرامہ "کسوم" میں کُمُد کا کردار ادا کیا۔

آشکا گوراڈیا  کئی مشہور شوز جیسے "سندور تیرے نام کا"، "میرے اپنے" اور "ویرُدھ" میں بھی نظر آئیں، 2019 میں شو "ڈائن" کے بعد انہوں نے اداکاری سے کنارہ کشی اختیار کی۔

مزید پڑھیں:جوانی میں میرے بھی افئیرز تھے ، اداکار ہ عفت عمر کا اعتراف