بدترین پرفارمنس، پاکستان 2026 ورلڈ کپ کوالیفائیڈٹیموں میں شامل ہے یا نہیں ؟ جانیے
Stay tuned with 24 News HD Android App
(24نیوز )انٹرنیشنل کرکٹ کونسل (آئی سی سی) نے ٹی 20ورلڈکپ 2026 کیلئے کوالیفائیڈ ٹیموں کے نام جاری کر دیئے ہیں جن میں پاکستان بھی شامل ہے ۔
آئی سی سی کے مطابق ٹی ٹوئنٹی ورلڈکپ 2026 کے لیے کوالیفائی کرنے والی ٹیموں میں پاکستان بھی شامل ہے پاکستان نے ٹی ٹوئنٹی فارمیٹ میں بہتر رینکنگ کی بنیاد پر ورلڈکپ 2026 کے لیے براہ راست کوالیفائی کیا .یاد رہے کہ پاکستان رواں برس ہونے والے ٹی ٹوئنٹی ورلڈکپ کے سپر ایٹ مرحلے میں نہیں پہنچ سکا تھا جس کے بعد سوشل میڈیا سمیت دیگر فورمز پر غلط بیانی پھیلائی جارہی تھی کہ اگلے ورلڈ کپ کے لیے پاکستان ٹیم کو کوالیفائرز میچ کھیلنے پڑیں گے۔
آئی سی سی کی طرف سے بتایا گیا ہے کہ ٹی ٹوئنٹی ورلڈ کپ 2026 کے لیے ٹوٹل 12 ٹیموں نے براہ راست کوالیفائی کیا ہے، میزبان سری لنکا اور بھارت کے علاوہ افغانستان نے بھی کوالیفائی کیا جب کہ دیگر ٹیموں میں آسٹریلیا، جنوبی افریقا، بنگلادیش، انگلینڈ، ویسٹ انڈیز، امریکا، آئرلینڈ اور نیوزی لینڈ بھی شامل ہیں،آئی سی سی کے مطابق ٹی ٹوئنٹی ورلڈکپ 2026 میں ٹوٹل 20 ٹیمیں ایکشن میں ہوں گی جب کہ باقی 8 ٹیموں کا انتخاب گزشتہ ٹی ٹوئنٹی ورلڈکپ کی طرح ریجنل کوالیفائر کے ذریعے ہوگا۔
ٹی ٹوئنٹی ورلڈکپ 2026 حال ہی میں ختم ہونے والے ٹی ٹوئنٹی ورلڈکپ کے فارمیٹ پر ہی کھیلا جائے گا جس میں 20 ٹیموں کو 4 گروپس میں رکھا جائے گا اور 8 ٹیمیں سپر ایٹ مرحلے کے لیے کوالیفائی کریں گی۔
یہ بھی پڑھیں : ڈالر مہنگا، روپے کا دیگر کرنسیوں پر زور چل گیا