پاکستان میں پولیو کے مزید 3 کیسز تصدیق ، مجموعی تعداد کتنی ہوگئی
Stay tuned with 24 News HD Android App
(24 نیوز) پاکستان میں پولیو وائرس کے 3 مزید کیسز کی تصدیق ہوگئی، جس کے بعد رواں سال ملک میں پولیو کے مجموعی کیسز کی تعداد 59 ہوگئی۔
نیشنل ای او سی کے مطابق پولیو کے نئے کیسز ڈیرہ اسماعیل خان، کراچی کے ضلع کیماڑی اور کشمور سے رپورٹ ہوئے۔
ڈیرہ اسماعیل خان سے اب تک 8 پولیو کیسز رپورٹ ہوچکے ہیں، کراچی کے ضلع کیماڑی سے رواں سال اب تک 3 پولیو کیسز رپورٹ ہوئے ہیں جبکہ کشمور میں رواں سال پولیو کا یہ پہلا کیس سامنے آیا ہے۔
نیشنل ای او سی کے مطابق رواں سال ملک میں پولیو کیسز کی تعداد 59 ہوگئی ہے۔
یہ بھی پڑھیں : تیزہواؤں کیساتھ بارش، پہاڑوں پر برفباری، محکمہ موسمیات کی اہم پیشگوئی
رواں سال بلوچستان سے 26 اورخیبرپختونخوا سے 16 پولیو کیسز رپورٹ ہوئے ہیں جبکہ رواں سال سندھ سے 15 اور پنجاب اور اسلام آباد سے ایک ایک کیس رپورٹ ہوا ہے۔