ٹی ٹونٹی میں کوئی بھی ٹیم آسان نہیں ہوتی: عباس آفریدی

(وسیم احمد) قومی ٹیم کے فاسٹ بائولر عباس آفریدی نے کہا ہے کہ ٹی ٹونٹی میں کوئی بھی ٹیم آسان نہیں ہوتی۔

فاسٹ بائولر نے پریس کانفرنس میں کہا کہ آسٹریلیا کے خلاف سیریز میں بہت کچھ سیکھنے کا موقع ملا،زمبابوے کے خلاف دوسرے ٹی ٹونٹی کی  وکٹ ہمارے لئے بہترین تھی خصوصی طور پر سفیان کےلئے اس نے بہت اچھی باولنگ کی ہے،یہاں بھی میری کوشش تھی کہ اپنی لائن اور لینتھ پر باولنگ کروں۔

مزید پڑھیں:ڈالر کی قدر میں کمی، سٹاک مارکیٹ میں کاروبار کا تیزی پر اختتام

گزشتہ سیریز اور یہ دونوں ہمارے لئے اہمیت کی حامل تھیں،ہمارے کپتان نے ہمیں کہا تھا کہ پہلے دونوں میچز جیتنے ہیں،آخری میچ بھی جیتنے کی کوشش کریں گے،ٹی ٹونٹی میں کسی بھی ٹیم کو آسان ہدف نہیں کہہ سکتے۔
زمبابوے ٹی ٹونٹی کی اچھی ٹیم ہے،ہمارا ٹیم ورک اور کمبی نیشن بہت اچھا ہے۔

انہوں نے کہا کہ ہم ٹیم ورک کےساتھ انجوائے کر کے کھیلتے ہیں تو جیتے ہیں کپتان نوجوان کھلاڑیوں کی حوصلہ افزائی کرتے ہیں۔