(ملک اشرف)اسلام آباد ہائیکورٹ کے چیف جسٹس عامر فاروق نے اہم فیصلے کرتے ہوئےدوسرے صوبوں سے آنے والے تین ججز کے بعد سینیارٹی لسٹ تبدیل کردی۔ جسٹس سرفراز ڈوگر سینئیر پیونی جج اسلام آباد ہائیکورٹ بن گئے۔
تفصیلات کے مطابق اسلام آباد ہائی کورٹ میں دوسرے صوبوں سے آنے والے تین ججز کے بعد سینیارٹی لسٹ تبدیل کر دی گئی ہے۔ جسٹس سرفراز ڈوگر سینئیر پیونی جج اسلام آباد ہائیکورٹ بن گئے ، جسٹس محسن اختر کیانی سنیارٹی لسٹ پر دوسرے نمبر چلے گئے ،جسٹس میاں گل حسن اورنگزیب تیسرے، جسٹس طارق محمود جہانگیری سنیارٹی لسٹ میں چوتھے نمبر چلے گئے ،جسٹس بابر ستار پانچویں، جسٹس سردار اسحاق خان چھٹے نمبر پر چلے گئے ،جسٹس ارباب محمد طاہر ساتویں، جسٹس ثمن رفعت امتیاز آٹھویں نمبر پر چلی گئیں ہیں، جسٹس خادم حسین نویں، جسٹس اعظم خان دسویں نمبر پر ہونگے،سنیارٹی لسٹ میں جسٹس محمد آصف گیارہویں جبکہ جسٹس انعام امین منہاس بارہویں نمبر پر ہونگے۔
یہ بھی پڑھیں:فالس فلیگ 9مئی کو کیا گیا،سوشل میڈیا کنٹرول کرنے کیلئے پیکا آرڈیننس لایا گیا،علیمہ خان