(ویب ڈیسک)کراچی کے علاقے گلزار ہجری میں فرنیچر مارکیٹ میں آگ لگنے سے 25 دکانیں جل کر تباہ ہوگئیں۔
تفصیلات کے مطابق کراچی میں ایک اور آتشزدگی کا واقعہ پیش آیا، گلزار ہجری میں پرانے فرنیچر کی مارکیٹ میں اچانک آگ بھڑک اٹھی، جس نے کئی دوکانوں کو اپنی لپیٹ میں لے لیا۔
دکان مالکان کا کہنا ہے کہ اطراف سے پٹاخہ مارکیٹ میں گرا، جس سے آگ لگی جبکہ مالکان نے فائر بریگیڈ کے دیر سے پہنچے کا بھی دعوی کیا۔
مارکیٹ میں پچاس سے زائد دوکانوں میں سے پچیس سے زائد آگ لگنے کے باعث جل کر خاکستر ہوگئیں۔
یہ بھی پڑھیں:2022 میں بجلی کی تقسیم کار کمپنیوں نے کتنا نقصان کیا؟ رپورٹ جاری
سینئرڈائریکٹرمیونسپل سروسزانوربلوچ نے بتایا کہ بر وقت فائربریگیڈعملہ پہنچا، جس سے نقصان کم ہوا، فائربریگیڈکی چھ گاڑیوں کی مددسےآگ پرقابوپایاگیا تاہم آگ لگنے کی وجوہات فی الحال معلوم نہ ہوسکیں۔