اسلام آباد اور بلوچستان ہائیکورٹ نے ایڈیشنل ججز کیلئے نام جوڈیشل کمیشن کو بھجوا دیئے

(امانت گشکوری)ہائیکورٹس میں ایڈیشنل ججز کی تعیناتی کیلئے اسلام آباد اور بلوچستان ہائیکورٹ نے نام جوڈیشل کمیشن کو ارسال کردیئے۔

اسلام آباد ہائیکورٹ نے4 ایڈیشنل ججز کیلئے19 نام جوڈیشل کمیشن کو بھجوا دیئے،ناموں میں 3ڈسٹرکٹ سیشن ججز اور ایک ایڈیشنل سیشن جج کا نام شامل  ہیں،ایڈیشنل سیشن جج ہمایوں دلاور، راجہ جواد عباس، اعظم خان اور شاہ رخ ارجمند کا نام شامل  ہے،بجھوائے گئے ناموں میں ایڈووکیٹ عدنان بشارت، سید قمر حسین سبزواری، ایڈووکیٹ عمر اسلم ، انعام امین منہاس، محمد عثمان غنی ،راشد چیمہ کے نام بھی شامل  ہیں۔

اس کے علاوہ ایڈووکیٹ جنرل اسلام آباد ایاز شوکت، ایڈووکیٹ عدنان حیدر، ندرت بیان مجید ،سلطان مظہر، شیر خان، کاشف علی ملک اور دانیال اعجاز کے نام بھی شامل ہیں،شاہد محمود کھوکھر، بابر بلال، محمد عبدالرافع، چودھری حفیظ اللہ یعقوب کے نام بھی شامل ہیں،ناموں کی سی ویز اور دیگر متعلقہ ریکارڈ ای میل کے ذریعے بھجوایا گیا۔

یہ بھی پڑھیں:محکمہ موسمیات کی بارش اور برفباری کی پیش گوئی

دوسری جانب چیف جسٹس بلوچستان ہائیکورٹ نے 3 ایڈیشنل ججز کیلئے 11 نام جوڈیشل کمیشن کو بھیج دیئے،بھجوائے گئے ناموں میں چار سیشن ججز بھی شامل  ہیں،سیشن جج جام محمد گوہر،پازیر احمد بلوچ،اللہ داد روشن اور سیشن جج محمد داود خان ناصر ،ایڈووکیٹ محمد عاصم، ظہور احمد مینگل، محمد افضل،محمد ایوب خان، خلیل احمد پنزائی، محمد نجم الدین مینگل اور سید اقبال شاہ کے نام شامل ہیں،ناموں کے ساتھ متعلقہ کوائف بھی بذریعہ ای میل جوڈیشل کمیشن کو بھجوائے گئے ہیں۔

یہ بھی پڑھیں:پی ایس ایل 10:اسٹیو اسمتھ اور کین ولیمسن کے حوالے سے اہم خبر