پاکستان کو 1992 کا ورلڈکپ جتوانے کیلئے مصنوعی بارش برسائی گئی ،فیاض الحسن چوہان کا انکشاف

(24 نیوز ) سیاستدان اپنے قد میں اضافے یا پھر حریف کی تذلیل کیلئے اکثر و بیشتر  ایسی ایسی باتیں گھڑتے ہیں کہ رہے خدا کا نام ، لیکن اب کی بار پاکستان تحریک انصاف چھوڑ کر  استحکام پاکستان پارٹی کو جوائن کرنے والے سابق وزیر اطلاعات پنجاب فیاض الحسن چوہان نے ایسا انکشاف کیا ہے کہ جسے سن کر نا صرف پاکستانی بلکہ دنیا بھر کے کرکٹ شائقین حیران رہ گئے ہیں ۔

 تفصیلات کے مطابق فیاض الحسن چوہان  کا ایک ویڈیو کلپ سوشل میڈیا پر وائرل ہو رہا ہے  جس میں انہوں نے انکشاف کیاکہ 1992ء کے ورلڈ کپ میں مصنوعی بارش کے ذریعے پاکستانی ٹیم کو جتوایا گیا، فیاض الحسن چوہان نے کہا کہ پاکستانی ٹیم 1992ء کے ورلڈ کپ میں اپنے پہلے 4 میں سے 2 میچز ہار چکی تھی، ایک میں اسے کامیابی ملی تھی اور ایک میچ ڈرا ہوگیا تھا۔

مارکیٹ میں نئی شرلی آگئی۔۔۔1992 ورلڈ کپ میں مصنوعی بارش کرکے پاکستانی ٹیم کو جتوایا گیا۔۔ فیاض الحسن چوہان کا انوکھا انکشاف pic.twitter.com/0srk19yJld

— Muhammad Usama Ghazi (@ghaziusama) July 3, 2024

 
 ان کا کہنا تھا کہ وہ ڈرا میچ گولڈ سمتھ کی انگلینڈ نے اس وقت کیا جب پاکستانی ٹیم ٹورنامنٹ سے باہر ہورہی تھی۔فیاض الحسن چوہان کا کہنا تھا کہ انگلینڈ نے مصنوعی بارش کرکے قومی ٹیم کو ورلڈ کپ سے باہر ہونے سے بچایا کیوںکہ پاکستان کی پوری ٹیم تو 74 رنز پر آل آؤٹ ہوچکی تھی اور انگلینڈ نے یہ ٹارگٹ 10 اوورز میں پورا کرلینا تھا، منصوعی بارش برسائی گئی اور پاکستان کو ایک پوائنٹ دیکر آگے بھیجا گیا۔

یہ بھی پڑھیں : پہلی شادی چھپانے پر دوسری بیوی نے شوہر کیخلاف مقدمہ درج کر ادیا