کراچی میں نجی بینک کے باہر 50لاکھ کی ڈکیتی واردات ، ویڈیو بھی منظر عام پر آگئی

( 24 نیوز ) کراچی کے  جوڑیا بازار میں نجی بینک کے باہر ڈاکو شہری سے 50 لاکھ روپے  چھین کر فرار ہوگیا، اس تشویشناک واقعے کی سی سی ٹی وی فوٹیج بھی منظر عام پر  آگئی.

کراچی کے جوڑیا بازار میں شہری سے 50 لاکھ روپے کی ڈکیٹی واردات کی سامنے آنے والی فوٹیج میں دیکھا جا سکتا ہے کہ ایک موٹر سائیکل سوار ڈاکو بینک کے دروازے پر کھڑے ایک شخص سے بیگ چھین کر با آسانی فرار ہوگیا، ڈاکو نے ہیلمٹ لگارکھا تھا، متاثرہ شہری تاجر کا ملازم تھا جو کہ بینک میں رقم جمع کرانے کے لیے آیا تھا اور بینک کے دروازے پر ہی عقب سے آ  کر ڈاکو نے اسلحہ تان لیا۔

مزید براں ڈاکو نے موقع ملتے ہی روپوں سے بھرا بیگ چھینا اور رفو چکر ہو گیا، واردات کرتے ہوئےڈاکو نے بینک کے سیکیورٹی گارڈ کو بھی دھمکیاں دیں۔

دوسری جانب پولیس  کا کہنا ہے کہ ڈکیتی 50 لاکھ کی نہیں کم رقم کی ہوئی ہےجس میں ملازم کے ملوث ہونے کابھی  شبہ ہے، ایس ایچ او  آغا عبدالرشید کا کہنا ہے کہ ابھی مقدمہ درج نہیں ہوا ہے لیکن ہم  تحقیقات کررہے ہیں، جلد اس واردات کا ڈراپ سین ہوجائے گا۔

یہ بھی پڑھیں : نوازشریف کو گردن اور کندھے میں درد کی شکایت، ایم آر آئی ٹیسٹ کیا گیا