امریکا میں الیکشن، گہما گہمی عروج پرپہنچ گئی،قبل از وقت ووٹنگ ، 7 کروڑ 36 لاکھ سے زائد ووٹ کاسٹ ہوچکے

(24 نیوز ) امریکی صدارتی انتخابات میں ریپبلکن امیدوار ڈونلڈ ٹرمپ کو کامیابی حاصل کرنے کے بعد دنیا بھر سے سربراہانِ ممالک کی جانب سے مبارکباد کے پیغامات موصول ہو رہے ہیں۔

 امریکی صدارتی انتخابات میں ڈونلڈ ٹرمپ کامیاب ہونے کے بعد وہ امریکا کے 47 ویں صدر منتخب ہو گئے ہیں۔ وہ 20 جنوری 2025 کو اپنے عہدے کا حلف اٹھائیں گے ۔ ڈونلڈ ٹرمپ دوسری مرتبہ امریکا کے صدر منتخب ہوئے ہیں۔ 

 دنیا بھر سے سربراہانِ ممالک کی جانب سے نومنتخب امریکی صدر ڈونلڈ ٹرمپ کو  انتخابات میں کامیابی کے بعد مبارک باد کے پیغامات بھیجے جارہے ہیں ۔

پاکستانی وزیرِ اعظم شہباز شریف کی مبارکباد

پاکستانی وزیرِ اعظم شہباز شریف نے ڈونلڈ ٹرمپ کو امریکی صدر منتخب ہونے پر مبارک باد پیش کرتے ہوئے کہا ہے کہ نئی امریکی انتظامیہ کے ساتھ مل کرکام کرنے کے خواہاں ہیں، دوسری بار تاریخی کامیابی پر ڈونلڈ ٹرمپ کو مبارک باد دیتا ہوں، انہوں نے امریکی انتخابات میں تاریخی کامیابی حاصل کی ہے۔

فرانسیسی صدر ایمانویل میکرون کی مبارکباد 

فرانسیسی صدر ایمانویل میکرون نے ٹرمپ کو امریکی صدر منتخب ہونے پر مبارک باد دیتے ہوئے ماضی کی طرح ایک بار پھر 4 سال تک مل کر کام کرنے کا عزم ظاہر کیا ہے۔ 

انہوں نے کہا کہ احترام اور عزائم کے ساتھ مزید امن اور خوش حالی کے لیے ایک بار پھر ساتھ کام کرنے کے لیے تیار ہیں۔

برطانوی وزیرِ اعظم کیئر سٹارمر  کی مبارکباد 

برطانوی وزیرِ اعظم کیئر اسٹارمر نے بھی ٹرمپ کو صدر منتخب ہونے پر مبارک باد پیش کی ہے۔ 

برطانوی وزیرِ اعظم کیئر اسٹارمر نے اپنے پیغام میں کہا کہ ٹرمپ کے ساتھ کام کرنے کا منتظر ہوں، امریکا و برطانیہ کے تعلقات کو فروغ دینے کا سلسلہ جاری رہے گا۔

بھارتی وزیرِ اعظم نریندر مودی کی مبارکباد

بھارتی وزیرِ اعظم نریندر مودی کی جانب سےڈونلڈ ٹرمپ کو امریکی صدر منتخب ہونے پر مبارک باد دی گئی۔ انہوں نے سوشل میڈیا پر شیئر کردہ پیغام میں ٹرمپ کو مبارک باد دیتے ہوئے لکھا ہے کہ بھارت امریکا تعلقات مضبوط بنانے، جامع عالمی اور اسٹریٹجک شراکت داری کا منتظر ہوں۔

انہوں نے کہا کہ آئیے! مل کر اپنے لوگوں کی بہتری اور عالمی امن، استحکام اور خوش حالی کو فروغ دینے کے لیے کام کریں۔ 

اسرائیلی وزیرِ اعظم نیتن یاہو کی مبارکباد 

 اسرائیلی وزیرِ اعظم نیتن یاہو نے ٹرمپ کی جیت کو تاریخی قرار دیتے ہوئے ایک بار پھر صدر منتخب ہونے پر مبارک باد پیش کی ہے۔

انہوں نے سماجی رابطے کی ویب سائٹ ایکس پر پیغام جاری کرتے ہوئے لکھا ہے کہ ڈونلڈ اور میلانیا ٹرمپ کو تاریخ کی سب سے بڑی واپسی مبارک ہو، وائٹ ہاؤس میں آپ کی تاریخی واپسی امریکا کے لیے ایک نئی شروعات اور اسرائیل اور امریکا کے درمیان عظیم اتحاد کے لیے مضبوط عزم کی نشاندہی کرتی ہے، یہ ایک عظیم فتح ہے۔

علاوہ ازیں اٹلی کے وزیرِ اعظم، یوکرین کے صدر، چیک ری پبلک کے وزیرِ اعظم سمیت دیگر ممالک کے سربراہان اور نیٹواتحاد بھی ٹرمپ کو ایک بار پھر امریکی صدر منتخب ہونے پر مبارک باد پیش کر رہے ہیں اور ایک ساتھ مل کر کام کرنے کا اعادہ کر رہے ہیں۔

ان کے علاوہ برطانیہ کے وزیرِ اعظم کیئر سٹارمر نے بھی ڈونلڈ ٹرمپ کو مبارکباد دیتے ہوئے ان کے ساتھ مل کر کام کرنے کا اعادہ کیا۔

 امریکہ کے لوگوں نے ٹرمپ اور اس کی ٹیم کو شاندار فتح دلائی ہے:بلاول بھٹو 

پاکستان پیپلز پارٹی کے رہنما بلاول بھٹو زرداری نے بھی ٹرمپ کو انتخاب میں تاریخی کامیابی پر مبارکباد دیتے ہوئے کہا ہے کہ امریکہ کے لوگوں نے انھیں اور اس کی ٹیم کو شاندار فتح دلائی ہے۔
بلاول نے جے ڈی وینس، ایلون مسک، روبرٹ کنیڈی جونیئیر اور تلسی گیبارڈ کو بھی اپنی ٹویٹ میں ٹیگ کیا ہے۔بلاول کا کہنا ہے کہ یہ جنگ مخالف فتح اور جنگ مخالف مینڈیٹ ہے جو امریکی عوام نے انھیں دیا ہے، ہمیں امید ہے کہ نئی انتظامیہ امن کو ترجیح دے گی اورعالمی تنازعات کے خاتمے میں مدد کرے گی۔

(24 نیوز)نو منتخب امریکی صدر ڈونلڈ ٹرمپ نے کہا ہے کہ میں کوئی جنگ شروع نہیں کروں گا،جنگیں ختم کروں گا،امریکہ کے تمام معاملات اب ٹھیک ہونےوالے ہیں،امریکہ کو محفوظ ،مضبوط اور خوشحال بناؤں گا، امریکہ کے زخموں پر مرہم رکھیں گے،امریکی عوام کا ایک بار پھر اعتماد کرنے پر شکریہ ادا کرتا ہوں،چیلنجز سے نمٹنے کیلئے اقدامات کرینگے،امریکہ اب نئی بلندیوں پر پہنچے گا، امریکہ نے مجھے طاقتور مینڈیٹ دیا ہے۔

نو منتخب امریکی صدر ڈونلڈ ٹرمپ نے اپنی وکٹری سپیچ میں کہا ہے کہ امریکی عوام کا ایک بار پھر اعتماد کرنے پر شکریہ ادا کرتا ہوں۔امریکا کے زخموں پر مرہم رکھیں گے، یہ ملکی تاریخ کی عظیم ترین سیاسی تحریک تھی، امریکا کو بہتر کرنے کی ضرورت ہے،ہم بہتر کریں گے، امریکا کےزخموں پر مرہم رکھیں گے۔چیلنجز سے نمٹنے کیلئے اقدامات کرینگے۔
ان کا کہنا تھا کہ عوام کے ووٹ کے بغیر میری جیت ممکن نہیں تھی،امریکہ اب نئی بلندیوں پر پہنچے گا،ایوان نمائندگان میں بھی اکثریت حاصل کرینگے،بہترین کمیونیکیشن سسٹم فراہم کرنے پر ایلن مسک کا بھی شکریہ اداکرتاہوں، یہ ملکی تاریخ کی عظیم ترین سیاسی تحریک تھی، امریکا کو بہتر کرنے کی ضرورت ہے، ہم بہتر کریں گے، امریکا کو مضبوط بنانے تک چین سے نہیں بیٹھیں گے۔

ڈونلڈ ٹرمپ نے کہا کہ بہترین انتخابی مہم چلائی، یہ امریکا کی سیاسی کامیابی ہے، جن لوگوں نے میرا ساتھ دیا میں ان کا بھرپورشکریہ ادا کرتاہوں،دنیا کی مختلف قوموں سے تعلق رکھنے والے امریکیوں نے ہمارا ساتھ دیا، ایک بار پھر اعتماد کرنے پر امریکی عوام کا شکریہ ادا کرتا ہوں۔

نومنتخب صدر نے کہا کہ چیلنجز سے نمٹنے کے لیے اقدامات کریں گے، امریکا کے تمام معاملات اب ٹھیک ہونے والے ہیں، اس وقت تک خاموش نہیں بیٹھوں گا جب تک آپ لوگوں کے خواب پورے نہ کروں،سرحدوں کو سیل کرنا پڑے گا، ہم چاہتے ہیں کہ لوگ قانونی طریقے سے امریکا آئیں، امریکا کو محفوظ بنائیں گے۔

ڈونلڈ ٹرمپ نے کہا کہ ہم مضبوط اور طاقتور فوج چاہتے ہیں اور آئیڈل صورتحال ہے کہ ہمیں اسے استعمال کرنے کی ضرورت نہ پڑے، آپ جانتے ہیں کہ اپنے سابقہ 4 سال میں ہماری کوئی جنگ نہیں تھی، سوائے اس کے کہ ہم نے داعش کو شکست دی تھی، ہم نے داعش کو ریکارڈ مدت میں شکست دی، لیکن ہماری کوئی جنگ نہیں تھی، مخالفین نے کہا کہ آپ جنگ شروع کروگے، میں نے کہا کہ میں کوئی جنگ شروع نہیں کروں گا بلکہ جنگ کو روکوں گا۔

واضح رہے کہ امریکی میڈیا رپورٹس کے مطابق ڈونلڈ ٹرمپ نے امریکا کے صدارتی انتخابات میں میدان مار لیا، ری پبلکن امیدوار مطلوبہ 270 الیکٹورل ووٹ حاصل کرکے دوسری بار صدر منتخب ہوگئے ہیں۔

امریکی نشریاتی ادارے ’فاکس نیوز ’ کے مطابق ڈونلڈ ٹرمپ نے 277 الیکٹورل ووٹ حاصل کیے جب کہ کاملا ہیرس اب تک 266 الیکٹورل ووٹ حاصل کرنے میں کامیاب رہی ہیں۔

صدارتی انتخاب میں جیت کے لیے 538 میں سے کم از کم 270 الیکٹورل ووٹ درکار تھے جب کہ 7 پانسہ پلٹ ریاستیں ایریزونا، جارجیا، مشی گن، نیواڈا، شمالی کیرولائنا، پینسلوینیا اور اور وسکانس کو کسی بھی امیدوار کی جیت کے لیے انتہائی اہم سمجھا جارہا تھا۔

7 پانسہ پلٹ ریاستوں میں سے 4 میں ڈونلڈ ٹرمپ نے کامیابی حاصل کی، جن میں شمالی کیرولائنا، پینسلوینیا، جارجیا اور وسکانس شامل ہیں۔

(ویب ڈیسک)الیکشن امریکا میں ہورہا ہے مگر دعائیں پاکستان اور بھارت میں مانگی جارہی ہیں،پاکستان کے لوگ ٹرمپ کی جیت کے حق میں ہیں جبکہ بھارتی کملا ہیرس کو امریکی صدر دیکھنا چاہتے ہیں ،پاکستان کے تجزیہ کاروں،عوام کے ہمدردی ٹرمپ کے ساتھ کیوں ہے؟کیا ٹرمپ جیت گئے تو عمران خان جیل سے باہر ہوں گے؟

 کہانی کچھ یوں ہے کہ پاکستانی رہنماؤں کی نگاہیں امریکی الیکشن پر جمی ہوئی ہیں اور خصوصاً سابق وزیراعظم عمران خان کی جماعت پاکستان تحریکِ انصاف (پی ٹی آئی) اس میں گہری دلچسپی لیتی ہوئی نظر آ رہی ہے، عمران خان نے بطور وزیرِ اعظم وائٹ ہاؤس کا دورہ سنہ 2019 میں کیا تھا اور اس وقت ڈونلڈ ٹرمپ امریکہ کے صدر تھے،کیمروں کے سامنے دونوں رہنماؤں کی ملاقات انتہائی خوشگوار رہی تھی،اس وقت کے امریکی صدر ڈونلڈ ٹرمپ نے صحافیوں کے سامنے عمران خان کو ’میرے اچھے دوست‘ کہہ کر بھی مخاطب کیا تھا۔

سنہ2022 میں عمران خان کو تحریک عدم اعتماد کے نتیجے میں وزیرِ اعظم ہاؤس چھوڑنا پڑا اور انھوں نے الزام عائد کیا کہ ان کی حکومت گِرانے کے پیچھے امریکہ کا ہاتھ تھا،سابق وزیرِاعظم گذشتہ برس اگست سے متعدد مقدمات کا سامنا کر رہے ہیں اور تاحال راولپنڈی کی اڈیالہ جیل میں قید ہیں،عمران خان کی جماعت کے چند رہنماؤں کا خیال ہے کہ اگر ڈونلڈ ٹرمپ ایک مرتبہ پھر امریکہ کے صدر منتخب ہو جاتے ہیں تو وہ اپنے ’اچھے دوست‘ عمران خان کو رہائی دلوا دیں گے۔

ضرورپڑھیں:امریکی انتخابی دنگل ،متعدد ریاستوں میں ہاتھی نے گدھے کو چت کردیا ،ٹرمپ آگے آگے،کملا ہیرس پیچھے پیچھے
 

پی ٹی آئی کے رُکن قومی اسمبلی لطیف کھوسہ کا کہنا تھا کہ ’100 فیصد، مجھے اس میں کوئی شک و شبہ نہیں ہے،وہ پاکستان میں بھی یہی چاہیں گے کہ جمہور کی آواز سُنی جائے اور کیونکہ جمہور ہی سے وہ (ڈونلڈ ٹرمپ) اُمید رکھتے ہیں۔‘
حال ہی میں اکتوبر کے آخری ہفتے میں ڈیموکریٹک پارٹی 60 سے زائد اراکین نے موجودہ صدر جو بائیڈن کو خط لکھ کر کہا تھا کہ ’امریکہ پاکستان پر اپنا اثر و رسوخ استعمال کرتے ہوئے سیاسی قیدیوں بشمول عمران خان کو رہائی دلوائے اور انسانی حقوق کی خلاف ورزیاں رُکوائے۔‘اس خط میں صدر بائیڈن کی انتظامیہ پر پاکستان میں عمران خان کی حکومت کو گرانے کا الزام بھی عائد کیا گیا تھا۔
پاکستانی امریکن پبلک افیئرز کمیٹی نے بھی ڈونلڈ ٹرمپ کی حمایت کرنے کا اعلان کیا تھا اور کہا تھا کہ ان کہ خیال میں رپبلکن امیدوار ’پاکستان اور امریکہ کے تعلقات کو بہتر بنائیں گے اور پاکستان میں غلط طریقے سے قید کیے گئے سیاسی قیدیوں کو رہا کروائیں گے۔‘
پاکستان اور امریکہ کی صورتحال پر گہری نظر رکھنے والے تجزیہ کاروں کا کہنا ہے کہ امریکی صدارتی انتخاب کا نتیجہ جو بھی ہو پاکستان کے حوالے سے امریکی پالیسی میں کوئی بڑی تبدیلی نہیں آئے گی۔

پی ٹی آئی رہنماؤں کے تمام دعوؤں کے باوجود بھی تجزیہ کار سمجھتے ہیں کہ اگر ٹرمپ جیت بھی جائیں تب بھی یہ مشکل نظر آتا ہے کہ عمران خان کی حمایت کریں،تاہم سابق امریکی سفارتکار کے مطابق اگر ڈونلڈ ٹرمپ ایک بار پھر صدر منتخب ہوتے ہیں تو پاکستان کے حوالے سے ’ان کی توجہ ماحولیاتی معاملات کے حوالے سے تعاون پر کم ہوگی اور اس میں اُتار چڑھاؤ کا انحصار اس بات پر ہوگا کہ چین اور ایران کے حوالے سے امریکی پالیسی کتنی سخت گیر ہے۔‘

(24 نیوز)امریکا کے صدارتی انتخابات کے نتائج مکمل ہوگئے ، حکمرانی کی جنگ میں ری پبلکن صدارتی امیدوار ڈونلڈ ٹرمپ فاتح رہے ۔

ڈونلڈ ٹرمپ 277 الیکٹورل ووٹ حاصل کرکے وائٹ ہاؤس پہنچنے میں کامیاب ہوگئے  جبکہ کملاہیرس 226 الیکٹورل ووٹ حاصل کر سکیں، واضح رہے کہ  کسی بھی امیدوار کو جیت کیلئے 538 میں سے 270 الیکٹورل ووٹ درکار ہیں۔

امریکہ کے صدارتی انتخابات میں ساڑھے 16 کروڑ ووٹرز نے حق رائے دہی کااستعمال کیا جبکہ قبل از وقت ووٹنگ میں 8کروڑ سے زائد ووٹرز حق رائے دہی استعمال کرچکے تھے۔

امریکی میڈیا کے مطابق ریاست انڈیانا، فلوریڈا، اوہائیو ، کینٹکی، ریاست اوکلوہاما ، الباما ، جنوبی کیرولینا، ریاست مسی سپی، آرکنساس میں ری پبلکن صدارتی امیدوار ڈونلڈ ٹرمپ کامیاب ہو گئے ، ویسٹ ورجینیا میں بھی ری پبلکن امیدوار ڈونلڈ ٹرمپ کامیاب ہوئے۔

ڈیموکریٹ امیدوار کملا ہیرس نے نیومیکسکیو میں 5، اوری گن 8، کولوراڈو میں 10، مین 1، ہوائی 4 ، واشنگٹن میں 12 ، ڈسٹرکٹ آف کولمبیا میں 3 اور کیلیفورنیا میں 54 الیکٹورل ووٹ لے کرمیدان مار لیا ، کملا نے سب سے زیادہ ووٹ لے کرکیلیفورنیا میں کامیابی حاصل کی ۔

ریاست ہوائی میں دسویں مرتبہ ڈیموکریٹ پارٹی نے کامیابی حاصل کی ہے ، اسی طرح ایلی نوائے، نیوجرسی ، میری لینڈ اور ورمونٹ میں کملا ہیرس کامیاب ہوگئیں، ورمونٹ میں کملاہیرس نے 3 ہزار 77 ووٹ حاصل کئے، ڈونلڈ ٹرمپ کو ورمونٹ میں2561 ووٹ ملے۔

ایری زونا، جارجیا، مشی گن، نیواڈا، شمالی کیرولینا، پینسلوینیا اور وسکونسن وہ سات ریاستیں ہیں جن کو ’سوئنگ سٹیٹس‘ کہا جاتا ہے اور انہی کے پاس وائٹ ہاؤس کی کنجیاں ہیں۔

ضرورپڑھیں:امریکی انتخابات:سینیٹ میں ری پبلکنز نے اکثریت حاصل کرلی

ساتوں ریاستوں میں مجموعی طور پر 93 الیکٹورل ووٹ درکار ہوتے ہیں ۔

سوئنگ ریاستوں میں جارجیا  میں 16، کیرولینا 16، پنسلوینیا 19 الیکٹورل ووٹ لے کر کامیابی حاصل کی جبکہ  ایری زونا میں  11 ، وسکونسن   اور نیواڈا میں بھی ڈونلڈ ٹرمپ کو برتری حاصل ہے، کملا ہیرس نے مشی گن میں 15 ووٹ لیے ۔

سینیٹ میں بھی ڈونلڈ ٹرمپ کو کاملا ہیرس کی پارٹی پر برتری حاصل ہے، امریکی سینیٹ میں ری پبلکنز نے 100میں سے 51 نشستیں لے کر سادہ اکثریت حاصل کرلی ، اب کسی بھی نشست کے ریپبلکن پارٹی کے پاس جانے کی صورت میں ڈیموکریٹس کی اکثریت خطرے میں پڑ جائے گی۔ایوان نمائندگان میں 435 نشستوں میں سے ری پبلکن کے182 اور ڈیموکریٹس کی 150 نشستیں ہیں ۔

یاد رہے کہ ڈونلڈٹرمپ 2017 ء سے 2021ء تک امریکا کے صدر رہے ہیں،ٹرمپ ہیلری کلنٹن کو شکست دے کر صدر بنے تھے مگر دوسری بار منتخب نہیں ہو پائے تھے ۔اب ان کا مقابلہ نائب صدر کملا ہیرس سے ہے۔دلچسپ بات یہ ہے کہ پہلی مرتبہ جب ٹرمپ جیتے تب بھی مدمقابل عورت تھی اب کی بار ایک عورت مقابلہ کررہی ہے ۔

(ویب ڈیسک)  دنیا کی نگاہیں امریکی صدارتی انتخابات پر ہیں جس میں کملا ہیرس اور ڈونلڈ ٹرمپ مدمقابل ہیں،ادھر واشنگٹن سے 13,000 کلومیٹر سے زیادہ دور بھارت کے ایک گاؤں میں ہیرس کی کامیابی کے لئے مندروں میں پوجا ہو رہی ہے۔

امریکی صدارتی انتخابات میں ڈیموکریٹ امیدوار  اور نائب صدر کملا ہیرس کے حامی ان کی جیت کو یقینی بنانے کی صرف امریکہ میں ہی ہر ممکن کوشش نہیں کر رہے ہیں بلکہ وہاں سے ہزاروں کلومیٹر دور بھارت کے جنوبی صوبے تمل ناڈو کا ایک چھوٹا سا گاؤں، تھولاسندرا پورم، بھی ری پبلیکن امیدوار، سابق٫ صدر ڈونلڈ ٹرمپ کو شکست دینے کے لیے کملا ہیرس کے حق میں دعائیں کر رہا ہے، مندروں میں پوجا پاٹھ کا سلسلہ پچھلے کئی دنوں سے جاری ہے۔

مندر کے قریب ایک چھوٹا سا  سٹور چلانے والے جی مانی کندن نے کہا، "منگل کی صبح مندر میں ایک خصوصی دعا ہوگی ، اگر وہ (کملا) جیت گئیں تو ہم جشن منائیں گے۔"

 مندر میں ایک پتھر پر  کملا ہیرس کے نانا کے نام کے ساتھ ہی ان کا نام بھی عطیہ دینے والوں کے طور پر کندہ ہے،مندر کے باہر ایک بڑا بینر لگا ہوا ہے جس پر لکھا ہے ہم الیکشن میں "زمین کی بیٹی" کی کامیابی کی دعا کرتے ہیں۔"

کملا ہیرس کے نانا پی وی گوپالن ایک صدی سے زیادہ پہلے تھولاسندرا پورم گاؤں میں پیدا ہوئے تھے، بعد میں وہ چند سو میل دور ساحلی شہر چینئی ہجرت کر گئے، جہاں انہوں نے اپنی ریٹائرمنٹ تک ایک اعلیٰ سرکاری اہلکار کے طور پر کام کیا۔

کملا ہیرس کی والدہ شیاملا گوپالن چینئی میں پیدا ہوئیں،انہوں نے 19 سال کی عمر میں 1958 میں امریکہ ہجرت کرنے سے پہلے دہلی یونیورسٹی سے تعلیم حاصل کی۔

شیاملا گوپالن نے یونیورسٹی آف کیلیفورنیا، برکلے سے ماسٹر‍ز ڈگری حاصل کی اور چھاتی کے کینسر کی تحقیقات میں نام کمایا۔ شیاملا نے 1963 میں، ڈونلڈ ہیرس سے شادی کی، جو کالج میں ان کے ساتھی تھے اور جمائیکا سے آئے تھے،کملا ہیرس اور ان کی چھوٹی بہن مایا امریکہ میں پیدا ہوئیں اور پرورش پائی۔ کملا ہیرس اکثر اپنی والدہ کو اپنا آیئڈیل قرار دیتی ہیں،کملا کی والدہ کا کینسر سے 2009 میں انتقال ہوگیا اور وہ ہندو رسومات کے مطابق اپنی والدہ کی استھیاں (راکھ) کو سپرد آب کرنے کے لیے چینئی آئی تھیں۔

 تھولاسندرا پورم گاؤں کو 4سال قبل اس وقت عالمی توجہ حاصل ہوئی جب کملا ہیرس امریکہ کی نائب صدر منت‍خب ہوئیں،کملا ہیرس نے بچپن میں بھارت کے اپنے دوروں کو یاد کرتے ہوئے میڈیا کو بتایا تھا کہ وہ اپنے نانا کا ہاتھ پکڑ کر دیر تک ساحل سمندر کی سیر کیا کرتی تھیں۔

انہوں نے کہا تھا  مجھے یاد ہے کہ ان تمام چہل قدمی کے دوران، میرے نانا نے مجھے نہ صرف جمہوریت کا مطلب بتایا تھا بلکہ جمہوریت کو برقرار رکھنے کے بارے میں بھی سبق سکھایا تھا۔ اور مجھے یقین ہے کہ یہ وہ سبق ہیں جو میں نے بہت چھوٹی عمر میں سیکھے تھے جنہوں نے سب سے پہلے عوامی خدمت میں میری دلچسپی کو متاثر کیا،گوکہ کملا ہیرس نے اپنی انتخابی تقریروں میں اس گاؤں کا ذکر نہیں کیا لیکن تھولاسندرا پورم کے باشندے ان کی جیت کے لیے دعائیں مانگ رہے ہیں۔

گاؤں کے ایک 80 سالہ ریٹائرڈ بینک مینیجر، این کرشنامورتی نے کہا، کملا ہیرس  کی وجہ سے ہی اس گاؤں کو اتنی شہرت ملی ہے، کسی اور نے ہمارے لیے اتنا کچھ نہیں کیا،ہمارا گاؤں ان کی وجہ سے دنیا بھر میں مشہور ہے، اور ہم بار بار ان کا شکریہ ادا کرتے ہیں، ان کے لیے نیک خواہشات کا اظہار کرتے ہیں اور ہماری دعائیں ہمیشہ ان کے ساتھ رہیں گی۔

یہ بھی پڑھیں: امریکی انتخابات میں نتیجہ برابر رہنے کی صورت میں کیا ہوتا ہے ؟

(ویب ڈیسک)امریکا میں آج صدارتی انتخابات کا سلسلہ جاری ہے ، کملا ہیرس اور ڈونلڈ ٹرمپ میں کانٹے دار مقابلہ جاری ہے تاہم سوال یہ ہے کہ دونوں صدارتی امیدواروں کا نتیجہ برابر رہنے کی صورت میں کیا ہوگا؟ 

 صدارتی انتخابات میں فیصلہ کن مرحلے میں کئی ممکنہ منظر نامے سامنے ہیں جن میں ایک "برابری" بھی ہے،یہاں یہ سوال سامنے آتا ہے کہ کیا 2024 میں برابری کا منظر نامہ ممکن ہے؟سروے نتائج قریب قریب ہونے کے باوجود ماہرین نے برابری کا منظر نامہ خارج از امکان قرار دیا ہے تاہم اگر واقعی معرکہ برابری پر ختم ہو گیا تو پھر کیا ہو گا ؟

 برابری کا منظر نامہ: 
برابری کا منظر نامہ اس وقت سامنے آئے گا جب دونوں میں سے ہر ایک امیدوار 269 الیکٹورل ووٹ حاصل کرے،الیکٹورل کالج میں مجموعی ووٹوں کی تعداد 538 ہے،امریکی آئین میں اس صورت حال سے نمٹنے کا حل موجود ہے جہاں انتخابات کو ایوان نمائندگان منتقل کیا جاتا ہے اور پھر کسی ایک امیدوار کے لیے ووٹنگ ہوتی ہے،اس منظر نامے کے تحت ہر ریاست کا صرف ایک ووٹ ہوتا ہے، لہذا انھیں یا ڈونلڈ ٹرمپ یا کملا ہیرس کو ووٹ دینا ہو گا،البتہ نائب صدر کی ووٹنگ سینیٹ کے ذریعے ہوتی ہے، صدر کے انتخاب کے برخلاف ہر رکن کو ووٹ دینا ہوتا ہے۔

امریکا کی تاریخ میں اب تک صرف ایک مرتبہ یعنی سال 1800 میں تھامس جیفرسن اور آرون بور کے درمیان انتخابات میں برابری کا نتیجہ دیکھنے میں آیا !اب دیکھنا ہے کہ 2024 کے امریکی انتخابات کس منظر نامے کے منتظر ہیں ؟

یہ بھی پڑھیں: امریکی صدارتی انتخاب میں پہلا نتیجہ آگیا

امریکا پرکون حکمرانی کرے گا؟آج امریکی صدارتی الیکشن کے حوالے سےبڑا دن ہے،امریکا میں الیکشن کی تیاریاں مکمل ہوچکی ہیں ،بیلٹ پیپرز اور الیکٹرانک ووٹنگ مشینیں پولنگ سنٹرزمیں پہنچادی گئیں ہیں، 24 کروڑ سے زائد امریکی حق رائے دہی استعمال کریں گے،ارلی ووٹنگ میں اب تک 7 کروڑ سے زائد امریکی شہری ووٹ کاسٹ کر چک،کملا ہیرس نے مشی گن میں اپنا ووٹ کاسٹ کر دیا ہے،امریکا صدر کون ہوگا؟نئے امریکی صدر کو دیکھنے کو مودی ملے گا؟عمران خان کی اہلیہ بشریٰ بی بی کے رونے کی وجہ کیا ہے؟اس کے پیچھے چھپی کہانی کیا ہے؟سب دیکھئے 24 نیوز کے ڈائریکٹر نیوز میاں طاہر کا یہ شاندار تجزیہ

(24 نیوز)امریکی صدر کون ہوگا؟ ووٹنگ کے لئے میدان سج گیا،47ویں امریکی صدرکےانتخاب کیلئےووٹنگ  آج ہوگی ،تقریباً8کروڑلوگ باقاعدہ الیکشن سے پہلے ووٹ ڈا ل چکے ،باقی ووٹرزآج اپنے پسندیدہ امیدوار کاچناؤ کریں گے۔امیدواروں کوفتح کیلئے کم ازکم 270 الیکٹورول ووٹ درکار،7سوئنگ سٹیٹس امیدواروں کیلئے فیصلہ کن ہوں گی۔

میڈیا رپورٹس کے مطابق 435ایوان نمائندگان اور34سینیٹرزکاانتخاب بھی آج ہوگا۔ 6مختلف ٹائم زونزمیں پولنگ شروع اورختم ہونے کاوقت الگ الگ ہے۔

سیکیورٹی کے غیرمعمولی اقدامات،ریاست اوریگان،واشنگٹن اور نیواڈا میں نیشنل گارڈفعال،خطرات پرنظررکھنے کیلئے ایف بی آئی کمانڈپوسٹ قائم کردی گئی ،ایک لاکھ پولنگ سٹیشنزپرسیکیورٹی بڑھادی گئی۔پولنگ عملے کیلئے خصوصی مسلح ٹیمیں تعینات کی گئی ہیں،الیکشن عملے کی سکیورٹی کیلئے ایک ہزارپینک بٹن منگوالئے گئے۔ان بٹنزکوایمرجنسی کی صورت میں استعمال کیاجاسکے گا۔واشنگٹن میں ہفتوں تک غیریقینی صورتحال کاخدشہ  ہے۔

ضرورپڑھیں:امریکی صدارتی انتخابات:ٹرمپ آگے ہیں یا کملا ؟ امریکی صدر کا انتخاب کیسے ہوگا؟

ادھر کملا ہیرس اور ڈونلڈ ٹرمپ میں مقابلہ سخت ہے،ٹرمپ اور کملا بھارت میں الیکشن مہم چلاتے تو کیسے لگتے؟انسٹا گرام پر مصنوعی ذہانت سے بنی امریکی سیاستدانوں کی دلچسپ تصاویر صارفین کی بھرپور توجہ حاصل کر رہی ہیں، تصاویر میں امریکی سیاست دانوں کو بھارتی ثقافت کے رنگ میں دکھایا گیا۔ڈونلڈ ٹرمپ اور کملا ہیرس بھارت کے روایتی ملبوسات پہنے ہوئے ہیں۔تصاویر میں سابق امریکی صدر باراک اوباما اور ایلون مسک بھی ہیں۔کملا ہیرس کو کھیتوں میں کام کرتے اور کھانا پکاتے بھی دکھایا گیا۔

یاد رہے کہ ڈونلڈٹرمپ 2017 ء سے 2021ء تک امریکا کے صدر رہے ہیں،ٹرمپ ہیلری کلنٹن کو شکست دے کر صدر بنے تھے مگر دوسری بار منتخب نہیں ہو پائے تھے ۔اب ان کا مقابلہ نائب صدر کملا ہیرس سے ہے۔دلچسپ بات یہ ہے کہ پہلی مرتبہ جب ٹرمپ جیتے تب بھی مدمقابل عورت تھی اب کی بار ایک عورت مقابلہ کررہی ہے ۔