سیف نے بیٹوں کی پیدائش پرایک رات بھی ہسپتال میں نہیں گزاری: کرینہ کپور کا شکوہ
Stay tuned with 24 News HD Android App
(ویب ڈیسک)بالی ووڈ کی خوبرواداکارہ کرینہ کپورکو بھی عام بیویوں کی طرح سیف علی خان سے کئی شکوے ہیں۔
ماضی میں رنبیر کپور کرینہ کپور کے ٹاک شو "واٹ ویمن وانٹ" میں شریک ہوئے تھے،اس دوران رنبیرکپورنے بیٹی راہا کی پیدائش پر کام سے وقفے اور عالیہ بھٹ کے ساتھ ہسپتال میں ہی رہنے کا انکشاف کیا تھا۔
دوران شو رنبیر کپور نے کرینہ کپور کو بتایا تھا کہ میں نے بیٹی کی پیدائش سے 2 سے 3 ماہ پہلے ہی کام سے وقفہ لے لیا تھا حتیٰ کہ راہا کی پیدائش پر میں عالیہ کے ساتھ ایک ہفتہ ہسپتال میں ہی ٹھہرا تھا۔
اس پر کرینہ کپور نے فوری جواب دیتے ہوئے رنبیر کپور کو "خوبصورت شوہر: کا خطاب دیا تھااورساتھ ہی شکوہ بھی کیا تھا کہ سیف علی خان بیٹوں کی پیدائش پر میرے ساتھ ایک رات بھی ہسپتال میں نہیں ٹھہرے تھے۔
یہ بھی پڑھیں:اداکارہ انمول بلوچ نے شادی کرلی؟ ندا یاسر نے نئی بحث چھیڑ دی
سیف علی خان اور کرینہ کپور کی شادی 2012 میں ہوئی تھی اوردسمبر 2016 میں ان کے ہاں پہلے بیٹے تیمور علی خان کی پیدائش ہوئی تھی،جوڑے کے ہاں فروری 2021 میں دوسرے بیٹے کی پیدائش ہوئی تھی۔