(آصف خان نیازی)عبدالحکیم میں خاندانی رنجش پر سوتیلے بھائی نے اپنے 2 بھائیوں کو قتل کر دیا۔
عبدالحکیم میں خاندانی رنجش 2 بھائیوں کی جان لے گئی، سوتیلے بھائی نے رشتے کے تنازع پر 2بھائیوں کو قتل کر دیا ، ملزم نے گھر میں گھس کر دونوں بھائیوں کو قتل کیا۔
پولیس کا کہنا ہے کہ مقتولین کی شناخت قیصر عباس اور ناصر عباس ولد منظور احمد کے نام سے ہوئی، ملزم منیر احمد نے ایک بھائی کو فائرنگ اور دوسرے کو چھری کے وار کر کے قتل کیا۔
قاتل منیر احمد نے ایک بھائی کو سوتے ہوے 3 فائر مارے جبکہ دوسرے بھائی کو گلیوں میں بھگا بھگا کر چھری کے وار سے قتل کیا۔
یہ بھی پڑھیں:بلوچستان، شرپسند عناصر کا زائرین کی بس پر پتھراؤ، سیکیورٹی فورسز کی بروقت کارروائی
دوسری جانب پولیس نے موقع پر پہنچ کر ملزم کو آلے سمیت گرفتار کر لیا۔
افسوسناک واقعہ سورج نکلنے کے بعد پیش آیا،قتل کی لرزہ خیز واردات کے بعد علاقہ کی فضا سوگوار ہوگئی جبکہ جائے وقعہ پر اہل علاقہ کی کثیر تعداد پہنچ گئی۔