چیئرمین پی سی بی کا بلائنڈ ٹی 20ورلڈکپ کے فاتح ٹیم کیلئے 1کروڑ روپے انعام

(وسیم احمد)پاکستان کرکٹ بورڈ(پی سی بی ) کے چیئرمین محسن نقوی نے بلائنڈ ٹی 20ورلڈکپ کے فاتح ٹیم کو 1کروڑ روپے انعام  دے دیا۔ 

تفصیلات کے مطابق بلائنڈ ٹی 20 ورلڈ کپ فاتح ٹیم کے اعزاز میں نیشنل کرکٹ اکیڈمی میں تقریب کا اہتمام کیا گیا،تقریب میں چیئرمین پاکستان کرکٹ بورڈ( پی سی بی) محسن نقوی نے شرکت کی اور فاتح بلائنڈ کرکٹ ٹیم کے لیے ایک کروڑ روپے انعام کا سے نوازا، پی سی بی کی جانب سے بلائنڈ کرکٹ کونسل کے لیے بھی2کروڑ روپے انعام کا اعلان کیا گیا۔

اس موقع پر چیئرمین پی سی بی محسن نقوی کا کہناتھا کہ اللہ کا شکر ہے ہمیں کرکٹ کے میدان سے اچھی خبریں آ رہی ہیں،ہم گزشتہ روز چوتھی سیریز جیتے اور بلائنڈ ٹیم کی جیت نے مزہ دوبالا کر دیا،ان کا کہناتھا کہ پاکستان کرکٹ بورڈ بلائنڈ کرکٹ کو ویسے ہی سپورٹ کرے گا جیسے ہم دوسری ٹیموں کو کرتے ہیں۔

محسن نقوی نے مزید کہا کہ آگے چیمپئنز ٹرافی آ رہی ہے دعا ہے کہ پاکستان کامیاب ہو، میں نے وزیر اعظم کو میسج کیا ہے،وہ ہفتے کو اگر لاہور آتے ہیں تو ان سے ملاقات کرواں گا۔ 

یہ بھی پڑھیں: زمبابوے کیخلاف تیسرا ٹی 20، پاکستان نے پلیئنگ الیون کا اعلان کر دیا