عاطف اسلم نے نیا ٹیلنٹ متعارف کروانے کیلئے ادارہ قائم کرلیا

(ویب ڈیسک)معروف گلوکار عاطف اسلم نے موسیقی کے نئے ٹیلنٹ کو عالمی سطح پر متعارف کروانے کے لیے "بارڈر لیس ورلڈ" کے نام سے اپنا ادارہ قائم کرلیا۔

لاہور کے ایک مقامی سینما میں اس منصوبے کی افتتاحی تقریب منعقد ہوئی، جس میں معروف فن کاروں اور تخلیقی شخصیات نے شرکت کی۔

عاطف اسلم نے اس موقع پرگفتگوکرتے ہوئے کہا کہ "بارڈر لیس ورلڈ" کا مقصد ایک ایسا پلیٹ فارم فراہم کرنا ہے جہاں موسیقاروں، شاعروں اور فنکاروں کو اپنی تخلیقی صلاحیتوں کے اظہار کا موقع ملے، یہ ایک ایسا جہان ہوگا جہاں تخلیق کی کوئی حد نہیں ہوگی اور خوابوں کی سرحدیں مٹ جائیں گی۔

یہ بھی پڑھیں:" اداکارہ نے لمبا ہاتھ مارا ہے"،نیلم منیر کی دبئی میں شادی پر دلچسپ تبصرے

تقریب میں نامور گلوکاروموسیقار ساحر علی بگا، اداکار حمزہ علی عباسی ،ماڈل اور اداکار عماد عرفانی،انوشے اشرف اور گلوکار بلال سعیدسمیت دیگر نے شرکت کی،ہدایتکار بلال لاشاری،عمارہ حکمت اور شائے گل نے اس منصوبے کی حمایت کا عزم کیا۔