دھند کے باعث موٹروے ٹریفک کیلئے بند

(اسراراحمد)شدید دھند کے باعث موٹروے کو ٹریفک کیلئے بند کردیا گیا۔

تفصیلات کے مطابق  شدید دھند کے باعث ایم 11،ایم 3اور ایم 2ٹریفک کیلئے بند کردی گئی،لاہور سیالکوٹ موٹروے ایم 11 کو دھند کی وجہ سے بند کر دیا گیا، ملتان موٹروے ایم 3 فیض پور سےسمندری تک دھند کی وجہ سے بند کردی گئی جبکہ اسلام آباد موٹروے ایم 2 لاہور سےکوٹ مومن تک دھند کی وجہ سے بند  کردی گئی۔

ترجمان موٹروے پولیس سید عمران احمد نے کہاہے کہ  موٹرویز کو عوام کی حفاظت اور محفوظ سفر یقینی بنانے کیلئے بند کیا جاتا ہے،دھند میں لین کی خلاف ورزی حادثات کا سبب بن سکتی ہے،ان کاکہناتھا کہ روڈ یوزرز دھند میں لین ڈسپلن کو یقینی بنائیں،شہری زیادہ سے زیادہ دن کے اوقات پر سفر کرنے کو ترجیح دیں۔

ترجمان کا کہناتھا کہ صبح 10 سے شام 6 بجے تک دھند کے موسم میں بہترین سفری اوقات ہیں، ڈرائیور حضرات  آگے اور پیچھےدھند والی لائٹس کا استعمال کر یں۔انہوں نے کہا کہ عوام غیر ضروری سفر سے گریز کریں،تیز رفتاری سے پرہیز کر یں اور اگلی گاڑی سے مناسب فاصلہ رکھیں،معلومات اور مدد کیلئے ہیلپ لائن 130 سے رابطہ کریں۔

یہ بھی پڑھیں:روپے کا زور چلنے لگا،یورو اور برطانوی پاؤنڈکتنے سستے ہوئے؟ملکی معیشت کیلئے اچھی خبر