اللہ پریقین اوراسی سے امیدیں باندھ کر رکھیں،نعمان اعجازکی نوجوانوں کونصیحت

 (ویب ڈیسک)ورسٹائل اداکارنعمان اعجاز نے حال ہی میں ایک شو میں شرکت کی جس میں گفتگوکرتے ہوئے انہوں نے اللہ پر اپنے ایمان اور توکل کے بارے میں بات کی۔

نعمان اعجاز نے گفتگوکرتے ہوئے کہا کہ یہ سچ ہے ہر چیز اللہ کی طرف سے ہمارے پاس آتی ہے ورنہ یہ ساری نعمتیں ہمیں کیسے ملیں گی، ہم خود کیا کرسکتے ہیں؟کچھ نہیں،تو ہمیں اللہ کی بے شمار نعمتوں کا ہمیشہ شکر ادا کرنا چاہیے۔

انہوں نے کہا کہ میں یہ آپ لوگوں کو متاثر کرنے کے لیے نہیں کہہ رہا بلکہ یہ ایک سچی حقیقت ہے کہ ہمارا ایمان مضبوط ہونا چاہیے،میں ہمیشہ نوجوانوں کونصیحت کرتا ہوں کہ االلہ پریقین رکھیں اورہمیشہ اللہ سے امیدیں باندھ کر رکھیں۔

انہوں نے مزید کہاکہ مجھے اس کامیابی کو حاصل کرنے کے لیے طویل انتظارکرنا پڑا ہے، میں جدوجہد کے دورسے گزرا ہوں، لوگ میرے بیانات کا بہت مذاق اڑاتے ہیں لیکن میں منفی باتوں پر توجہ نہیں دیتا، بس آپ کو چاہیے کہ اپنے آپ پر یقین رکھیں اور توجہ کے ساتھ کام کریں۔

یہ بھی پڑھیں:بچوں کوپرفیکٹ بنانے کے چکر میں خودکو اورانہیں پریشان کئے رکھا،سنیتامارشل

نعمان اعجازنے کہاکہ اللہ پر اپنا توکل مضبوط کریں اور ہرحال میں ہمیشہ اللہ کا شکر ادا کریں،زندگی میں حاصل ہونے والی ناکامی کے بعد اللہ پرالزام نہ لگائیں،خالق آپ کے بارے میں برا نہیں سوچ سکتا۔