ہفتہ وار مہنگائی کی شرح میں اضافہ، 15 اشیاء مہنگی اور 10 سستی ہوئیں

(ویب ڈیسک)ادارہ شماریات کے مطابق ہفتہ وار مہنگائی کی شرح میں 0.20 فیصد اضافہ ہو گیا ہے۔

ادارہ شماریات کی رپورٹ کے مطابق حالیہ ہفتے کے دوران 15 اشیاء مہنگی، 10 سستی جبکہ 26 اشیاء کی قیمتوں میں استحکام رہا۔

ایک ہفتے کے دوران مرغی کی قیمت میں 85 روپے 81 پیسے فی کلو، آلو کی قیمت میں 2 روپے فی کلواور پیاز کی قیمت میں 3 روپے 18 پیسےفی کلو کا اضافہ ہوا۔

گڑ 2 روپے فی کلو، سرسوں کا تیل 3 روپے 39 پیسے، بیف 5 روپے 56 پیسے اور مٹن 2 روپے 33 پیسے مہنگا ہوا۔ چینی،ٹماٹراورسگریٹ بھی مہنگے ہوگئے۔

یہ بھی پڑھیں:سوات اور گردونواح میں زلزلے کے جھٹکے، شہریوں میں خوف و ہراس

ادارہ شماریات کے مطابق ایک ہفتے کے دوران لہسن کی قیمت 35 روپے 99 پیسے، کیلا 11 روپے 08 روپے، انڈے 12 روپے 68 پیسے سستے ہوئے۔